ماہنامہ عبقری - ستمبر 2011ء

نماز فجر کے فوراً بعد سورج نکلنے سے پہلے سبحان اللہ وبحمدہ سبحان اللہ العظیم سومرتبہ پڑھنا اپنا معمول بنائیے۔ ڈاڑھ یا دانتوں کا درد ہو تو سب سے پہلے درود شریف سات مرتبہ پڑھیں‘ پھر سورہ فاتحہ تین مرتبہ پڑھ کر ”بِسمِ اللّٰہِ وَبِاللّٰہِ اَسئَلُکَ بِعِزِّکَ وَجَلَالِکَ وَقُدرَتِکَ عَلٰی کُلِّ فَاِنَّ مَریَمَ تَلِدُغَیرَعَیسٰی مِن رُّوحِکَ وَکَلِمَتُکَ اَن تُشَفَّی مَابِفَاطِمَةِ بِنتِ خَدِیجَہ مِنَ الضَّرِّ کُلِّھَا۔“ اگر یہ کلمات یاد نہ ہوں تو آیت الکرسی پڑھ کر دم کردے۔ انشاءاللہ درد میں افاقہ ہوگا۔ درد سر کے خاتمے کیلئے درود شریف پڑھنے کے بعد بِسمِ اللّٰہِ اَذھِب عَنھَا سُوئِ وَمَحشِہ بِدَعوَتِ نَبِیُّکَ الطِّیبُ المُبَارَکَ المَتِینُ عِندَکَ بِسمِ اللّٰہِ گیارہ مرتبہ پڑھ کر دم کیا جائے انشاءاللہ فائدہ ہوگا۔ اگر یہ کلمات یاد نہ ہوں تو سورہ فاتحہ اور آیت الکرسی تین تین بار پڑھ کر دم کردینے سے بھی آرام آجائیگا۔ اگر پہلی بار دم سے پورا آرام نہ آئے تو پندرہ بیس منٹ کے وقفہ سے پھر دم کریں اور پھر اسی طرح پندرہ بیس منٹ کے وقفہ کے بعد تیسری بار دم کریں۔ انشاءاللہ درد سر سے نجات مل جائیگی۔ فقراور تنگی معاش سے نجات کیلئے نماز فجر کے فوراً بعد سورج نکلنے سے پہلے سُبحَانَ اللّٰہِ وَبِحَمدِہ سُبحَانَ اللّٰہِ العَظِیمُ سومرتبہ پڑھنا اپنا معمول بنائیے۔ انشاءاللہ اس کی معاشی حالت تبدیل ہوجائے گی اور کاروبار میں برکت آئے گی۔ اس عمل کو معمول بنائے رکھیں۔ سفلی جادو اور ٹونے کا علاج درود شریف گیارہ مرتبہ پھر سورہ توبہ کی آخری آیات لقد جاءسے وھوالعظیم تک اور سورہ بقرہ کے آخری رکوع کے ساتھ سورہ اخلاص معوذ تین پڑھ کر مریض پر دم کرے ۔(صفحہ 280) (مزید ایسے بہترین روحانی نسخے حاصل کرنے کیلئے ”کالی دنیا کالا جادو وظائف اولیاءاور سائنسی تحقیقات کا مطالعہ کریں“نوٹ: جو عمل آزمائیں تفصیل سے لکھیں لاکھوں کا نفع‘ آپ کا صدقہ جاریہ) پچھلا صفحہ