ماہنامہ عبقری - جون 2010ء

پریشان حال‘ مصیبت زدہ کو دیکھے تو یہ پڑھے حضرت ابوہریرہ رضی اللہ عنہ سے روایت ہے کہ نبی صلی اللہ علیہ وسلم نے فرمایا جو شخص کسی (مادی‘ روحانی) مصیبت زدہ (یعنی معزور‘ پاگل‘ اغوا‘ قتل‘ بلڈپریشر‘ ہارٹ اٹیک‘ ایڈز‘ کینسر‘ شوگر‘ ایکسیڈنٹ‘ ہیپاٹائٹس‘ فالج کا مریض) کو دیکھے اور یہ کلمات پڑھ لے تو اللہ تعالیٰ اس پڑھنے والے کو اس مصیبت/ بیماری سے ضرور محفوظ رکھیں گے۔ (انشاءاللہ) اَلحَمدُ لِلّٰہِ الَّذِی عَافَانِی مِمَّا ابتَلَاکَ بِہ وَفَضَّلَنِی عَلٰی کَثِیرٍ مِّمَّن خَلَقَ تَفضِیلًا (بخاری) ہر قسم کا تحفظ حضرت عثمان رضی اللہ عنہ فرماتے ہیں کہ رسول اللہ صلی اللہ علیہ وسلم نے فرمایا جو بندہ ہر صبح و شام کو 3,3 مرتبہ یہ پڑھے تو اسے کوئی بھی چیز نقصان یا ضرر نہ پہنچائے گی۔ (انشاءاللہ) ایک اور حدیث میں ہے کہ اچانک کوئی تکلیف نہ آئے گی۔ (انشاءاللہ) بِسمِ اللّٰہِ الَّذِی لَا یَضُرُّمَعَ اِسمِہ شَی ئ فِی الاَرَضِ وَلَا فِی السَّمَآ ئِ وَھُوَ السَّمِیعُ العَلِیمُ (ترمذی) رسول اللہ صلی اللہ علیہ وسلم نے فرمایا جب کھایا پیا کرو تو یہ دعا پڑھ لیا کرو‘ تمہیں کوئی بیماری (سوکھا پن‘ خوراک نہ لگنا) نہ ہوگی اگرچہ کھانے میں زہر ہی کیوں نہ ملا ہو (تحفة الحبیب فی ماز ادعلی الترغیب‘ میں مندرجہ بالا دعا کے آخر میں فِی السَّمَآ ئِ کے بعد وَھُوَ السَّمِیعُ العَلِیمُ کی جگہ یَاحَیُّ یَاقَیُّومُ ہے) حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا جو شخص صبح و شام یہ دعا پڑھے اسے کوئی چیز بھی نقصان یا ضرر نہ پہنچائے گی۔ (انشاءاللہ) (مشکوة ) پچھلا صفحہ