پیر‘ فقیر اور ڈاکٹر
حیران! یہ کیسے ہوگیا؟

محترم شیخ الوظائف صاحب السلام علیکم!میں مایوسی کی زندگی گزار رہی تھی‘اولاد کا غم میرے سینے کو جلائے رکھتا‘بچوں کو ترستی تھی۔میرے اب تک چھ بچے فوت ہو چکے ہیں‘جب بھی بچہ پیدا ہوتا تو وہ ٹھیک ہوتا مگر چالیس دن کے بعد کمزور ‘ معذور اور سوکھے پن کا شکار ہو جاتا جس کے بعد اس کا جسم حرکت کرنا بند کردیتاحتیٰ کہ اس کی آواز آنا بھی بند ہو جاتی اور پھر آخر کار وہ مر جاتا۔میں نے علاج کے لئے کوئی پیر‘فقیر اور ڈاکٹر نہیں چھوڑا‘روحانی و طبی علاج کروا کر دیکھ لئے مگر مراد نہ مل سکی۔ڈاکٹروں نے بھر پور علاج کی کوشش کی مگر آخر کار انہوں نے بھی کہہ دیا کہ آپ کا یہ مسئلہ موروثی ہے اس لئے جب بھی آپ کا بچہ پیدا ہوگا تو اسی مرض کا شکار ہو کر وفات پا جائے گا‘ اس مرض کا کوئی بھی علاج موجود نہیں ہے۔میں ہر طرف سے مایوس ہو چکی تھی مگر اللہ تعالیٰ سے پھر ایک آس‘ امید تھی کہ اگررب چاہے تو ناممکن کو ممکن کر دے۔ اللہ تعالیٰ کو میرے حال پر ترس آگیا‘ عبقری رسالہ پڑھنا شروع کیا ‘ اسی رسالہ کی وجہ سے تسبیح خانہ لاہور میں ہونے والی شب جمعہ کی روحانی محافل سننا شروع کیں‘ لوگوں کے مشاہدات پڑھ کر اور سن کر اللہ کی شان کریمی پر یقین ہوگیا کہ ان شاء اللہ مجھے بھی مراد مل جائے گی۔
اللہ تعالیٰ کی خاص عنایت ہوئی کہ مجھے کلینک میں آپ سے ملاقات کا ٹوکن مل گیا‘آپ سے اپنا مسئلہ بیان کیا ‘ آپ کی شفقت تھی کہ آپ نے مجھے مایوس کرنے کی بجائے‘ تسلی کے بول دئیے‘ کچھ روحانی اعمال کرنے کا حکم فرمایا‘ پھر مور پنکھ سے اسم اعظم کا خاص دم فرمایا اور پھر دعا دی کہ اللہ آپ کی جھولی خوشیوں اور مرادوں سے بھر دے گا‘ان شاءاللہ۔ بس آپ کی زبان مبارک سے نکلے وہ بول اللہ تعالیٰ نے قبول کر لئے‘دوبارہ اولاد کی امید لگی اور پھر اللہ تعالیٰ نے بیٹے کی نعمت سے نوازا۔اس بار الحمدللہ بچہ ٹھیک تھا مگر اس کے ہاتھ کچھ کمزور تھے۔میری خوش قسمتی کہ اس مہینے دوبارہ آپ سے ملاقات کا ٹوکن مل گیا‘ آپ نے بچے کے لئے دعا کی‘ دم کیا اور بچے کے مرض کے لئے آپ نے عبقری دواخانہ کی تیار کردہ معذور شفاء اور معجون شفایابی استعمال کرنے کا مشورہ دیا۔میں نے ان ادویات کو استعمال کروایا ‘ اس کے علاوہ آپ کے مشورے کے مطابق بچہ کے وزن کے برابر چاول صدقہ کی نیت سے مچھلیوں کو ڈالے‘الحمدللہ اب میرا بیٹا ڈیڑھ سال کا ہو چکا ہے اور صحت مند ہے۔گھر میں جب روحانی محفل لگاتے ہیں تو بہت شوق اور توجہ کے ساتھ سنتا ہے‘ اکثر اللہ کا لفظ زبان سے نکالتا ہے اور جب منہ سے ’’اماں اور ابا‘‘ کہتا ہے تو آنکھوں سے آنسو نکل آتے ہیں۔یقین نہیں آتا‘یہ سب آپ کی دعائوں کی برکت سے ممکن ہوا ہے۔آج ہمارا بچہ چلنے کے قابل بھی ہو چکا ہے۔لوگ بھی حیران ہیں کہ کیا یہ واقعی ان کا بچہ ہے جنہیں ڈاکٹروں نے لا علاج کہہ دیا تھا۔