محترم حضرت حکیم صاحب السلام علیکم! آپ سدا خوش رہیں‘ آپ کو آپ کی آئندہ نسلوں اور اس تسبیح خانہ کو اللہ تعالیٰ ہمیشہ شادو آباد رکھے۔ آمین!عبقری رسالہ میں بتائے ہوئے چھوٹے چھوٹے ٹوٹکے اور وظائف کرتی ہوں۔ الحمدللہ! بہت سکون ہے۔مین اپنا ایک آزمایا ہوا ٹوٹکہ عبقری قارئین کی نذر کرتی ہوں۔ میری بیٹی کو اکثر سردیوں میں بھی نکسیر پھوٹ جاتی تھی‘ درج ذیل ٹوٹکہ آزمایا‘ وہ دن اور آج کا دن الحمدللہ وہ بالکل ٹھیک ہے۔ ھوالشافی:ڈیڑھ انچ خشک ناریل کا ٹکڑا ایک مٹی کے برتن میں رات کو بھگوکر رکھ دیں‘ صبح نہارمنہ ناریل کھالیں اور پانی پھینک دیں۔ صرف چار سے پانچ دن کرلیں۔ ان شاء اللہ مکمل شفاء ہوگی۔نوٹ: یہ ٹوٹکہ پہلے بھی عبقری رسالہ کے گزشتہ شماروں میں چھپ چکا‘ اس کے فوائد بے شمار موصول ہورہے۔ (فضا نیازی‘ لاہور)