Ubqari®

عالمی مرکز امن و روحانیت
اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

حاکم کا نام محتاجوں کی فہرست میں

ماہنامہ عبقری - نومبر 2018ء

ایک مرتبہ حضرت سیدنا فاروق اعظم رضی اللہ عنہ نے حمص کے لوگوں کو ایک خط بھیجا اور حمص کے فقراء اور محتاجوں کی فہرست طلب کی تاکہ انہیں عطیات بھیجے جاسکیں جب وہ مطلوبہ ہے فہرست فاروق اعظم رضی اللہ عنہ کے پاس پہنچی تو اس میں سب سے پہلا نام حمص کے نگران (یعنی حاکم) حضرت سعید بن عامر رضی اللہ عنہ کا تھا۔ سیدنا فاروق اعظم رضی اللہ عنہ کو بڑی حیرت ہوئی کہ ہم تو انہیں مناسب مقدار میں وظیفہ دیتے ہیں اس کے باوجود وہ محتاج اور مسکین کیوں ہیں؟ آپ کے استفسار پر بتایا گیا کہ جو کچھ آپ یہاں سے روانہ کرتے ہیں وہ اسے اپنے پاس نہیں رکھتے بلکہ فقیروں اور محتاجوں میں تقسیم فرما دیتے ہیں۔پھر حضرت عمر فاروق اعظم رضی اللہ عنہ نے حمص سے آنے والوں سے ان کے رویہ کے بارے میں پوچھا تو انہوں نے بتایا کہ باقی سب تو ٹھیک ہے مگر ہمیں ان کی چار عادتوں پر اعتراض ہیں:1۔ وہ ہمارے پاس دن چڑھنے کے بعد آتے ہیں۔2۔رات کے وقت ملاقات نہیں فرماتے۔3۔مہینے میں ایک دن ایسا آتا ہے کہ وہ کسی سے نہیں ملتے۔4۔ کبھی کبھی ان پر بے ہوشی کا طویل دورہ پڑتا ہے۔جب حضرت عمر فاروق رضی اللہ عنہ کی حضرت سعید بن عامر رضی اللہ عنہ سے ملاقات ہوئی تو آپ نے ان سے اہل حمص کی شکایات کے بارے میں وضاحت چاہی تو حضرت سیدنا سعید بن عامر رضی اللہ عنہ نے بطور وضاحت عرض کی۔ 1۔ گھر سے چاشت کے وقت نکلنے کی وجہ یہ ہے کہ میرا کوئی خادم نہیں ہے جبکہ میری بیوی بیمار ہے لہٰذا نماز فجر کے بعد دن چڑھنے تک گھریلو کاج کاج میں خود کرتا ہوں۔2۔رات کے وقت میں لوگوں سے اس لئے ملاقات نہیں کرتا کہ دن بھر میں لوگوںکی خدمات سرانجام دیتا ہوں اور رات کے وقت میں اللہ تعالیٰ کے حقوق کی ادائیگی کیسے وقف کر رکھا ہے۔3۔ سارے مہینے میں ایک دن گھر سے اس لئے باہر نہیںنکلتا کہ میرے پاس کپڑوں کا صرف ایک جوڑا ہے جسے میں اس دن دھوتا ہوں اور خشک ہونے پر پہن لیتا ہوں۔ (باقی صفحہ نمبر53 پر )
(بقیہ: حاکم کا نام محتاجوں کی فہرست میں)
لہٰذا اس دن میں لوگوں سے ملاقات نہیں کرسکتا۔ 4۔بے ہوشی کی وجہ یہ ہے کہ حضرت سیدنا خبیب بن عدی رضی اللہ عنہ میرے سامنے شہید کئے گئے، میں اس وقت حالت کفر میں تھا۔ مجھے جب بھی یہ واقعہ یاد آتا ہے تو دل پر چوٹ لگتی ہےاور سینے سے ایک ہوک سی اٹھتی ہے کہ کاش! میں اس وقت اسلام لاچکا ہوتا اور ان کے دفاع کی کوشش کرتا۔ مجھے جب بھی ان کی یاد آتی ہے تو مجھ پر رنج و الم کا پہاڑ ٹوٹ پڑتا ہے۔ اور میرے ہوش و حواس گم ہو جاتے ہیں۔ یہ گفتگو سن کر فاروق اعظم رضی اللہ عنہ اس شدت سے روئے کہ آپ کی ہچکی بندھ گئی۔ حضرت سیدنا سعید بن عامر رضی اللہ عنہ پر شدید گریہ طاری ہوجاتا اور آپ ان کیلئے دعائے رحمت و مغفرت کیا کرتے (من نفحات الخلود، صفحہ ۱۹۵ مترجم)

Ubqari Magazine Rated 3.7 / 5 based on 078 reviews.