اب تک آنے والی میری جتنی بھی تالیفات ہیں ان کے حوالہ جات حقیقت‘ سببِ تالیف یہ سب قارئین تک پہنچانے کی ایک کوشش ہے میں ہر کتاب کا حوالہ دوں گا کہ کتاب کن حوالہ جات سے مل کر ایک کتاب بنی ہے۔اگر میری کسی کتاب میں غلطی ہو‘ اطلاع دیں‘ شکرگزار ہوں گا۔
کتاب نمبر38:حیرت انگیز حافظہ ناممکن نہیں:اگر آپ لازوال‘ بے مثال اور حیرت انگیز حافظہ چاہتے ہیں تو پھر گناہ چھوڑ دیں۔ یوں عصیان(یعنی گناہ) چھوڑ کر فوری نسیان یعنی بھول جانے کا علاج ممکن ہوا۔ آپ کو میری یہ تالیف بہت نفع دے گی اور آپ کی نسلوں کے حافظے اور تقویت کے لیے رہبر ثابت ہوگی۔ ایک بہترین کاوش‘ محنت اور جستجو آپ کو ہدیہ ہے۔ قدر کریں‘ لاجواب چیز ہے۔ اس کتاب کی تالیف میں درج ذیل شخصیات کے تحریروں اور رسائل سے مدد لی گئی۔ حکیم محمد عبدالرحیم جمیلیؒ۔حکیم فضل الرحمٰن۔ ڈاکٹر خالد محمود جنجوعہ۔ نیررضا سید۔ مختار احمد اختر۔حکیم آفتاب احمد عظیم۔ حکیم اکرام الحق۔حکیم عابد علی بیگ۔عبدالرشید زائر۔حکیم محمد ابراہیم شاہ۔جے۔ایچ۔ رضوی۔فرزانہ مغیث۔ڈاکٹر نوشین عمران۔شاہد شاہ۔ از اڈیان گبز کاسیلاس۔ ہمدرد صحت۔طب و صحت۔رہنمائے صحت۔مسلم‘ اسلام آباد۔ ۔ نوٹ: اگر کوئی حوالہ غلطی سے رہ جائے تو ضرور اطلاع دیں‘ میں ہر پل اصلاح کا محتاج ہوں۔(ایڈیٹر)