اب تک آنے والی میری جتنی بھی تالیفات ہیں ان کے حوالہ جات حقیقت‘ سببِ تالیف یہ سب قارئین تک پہنچانے کی ایک کوشش ہے میں ہر کتاب کا حوالہ دوں گا کہ کتاب کن حوالہ جات سے مل کر ایک کتاب بنی ہے۔اگر میری کسی کتاب میں غلطی ہو‘ اطلاع دیں‘ شکرگزار ہوں گا۔
کتاب نمبر33 :شہد کی کرامات: میری معالجاتی مصروفیات میں مجھے شہد کے شفائی‘ برکاتی اثرات بے شمار ملے۔ ان تجربات و مشاہدات کو خلق خدا کے فائدے کیلئے میں نے ایک کتاب کی صورت میں جمع کیا اور اس کا نام ’’شہد کی کرامات‘‘ رکھا۔قارئین نے میری اس کاوش سے بھرپور استفادہ کیا۔آج بھی میری یہ تالیف زیادہ چھپنے والی تالیفات میں سے ایک ہے۔اس کتاب کی تالیف میں قرآن پاک کی آیت‘احادیث کی کتب‘ ملکی و غیرملکی رسائل سے مدد لی گئی ہے۔نوٹ: اگر کوئی حوالہ غلطی سے رہ جائے تو ضرور اطلاع دیں‘ میں ہر پل اصلاح کا محتاج ہوں۔(ایڈیٹر)