Ubqari®

عالمی مرکز امن و روحانیت
اعلان!!! نئی پیکنگ نیا نام فارمولہ،تاثیر اور شفاءیابی وہی پرانی۔ -- اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

دودھ اور شہد دینے والی بکری

ماہنامہ عبقری - نومبر2013ء

میں نے شوہر سے کہا کہ ہمارے پاس اور تو کچھ نہیں ایک یہی بکری ہے لیکن مہمان کے اکرام کا حکم ہے اس لیے آپ اسے ذبح کردیں

حضرت ابوالربیع رحمۃ اللہ تعالیٰ علیہ فرماتے ہیں کہ میں نے ایک عورت کے تقویٰ کے متعلق بہت زیادہ سن رکھا تھا جس کا نام فضا تھا ۔ اگرچہ میں عورتوں سے نہیں ملتا لیکن اس عورت سے ملاقات کی خواہش پیدا ہوئی میں اس کے گاؤں چلا گیا‘ لوگوں نے کہا کہ اس عورت کی ایک بکری ہے جو دودھ اور شہد دونوں دیتی ہے میں اور حیران ہوگیا ‘ خیر میں اس عورت کے گھر پہنچ گیا اور جاتے ہوئے ساتھ ایک صاف برتن بھی لے گیا۔ اس عورت سے کہا کہ آپ کی بکری کے متعلق سنا ہے آپ ذرا اس کی برکت مجھے بھی بتائیں تو عورت نے بکری میرے پاس کردی۔ میں نے اس کا دودھ دھویا تو واقعی اس کے تھنوں سے دودھ اور شہد دونوںنکلے۔
میں نے کہا اس بکری کا کیا قصہ ہےاور یہ کہاں سے آئی؟ تو اس عورت نے اپنی بکری کا پورا واقعہ سنایا:۔ کہنے لگیں ہم غریب لوگ ہیں‘ ہمارے پاس گزر اوقات کیلئےایک ہی بکری تھی‘ بقر عید کا دن تھا تومیرے شوہر نے کہا اس بکری کو ہی ذبح کردیتے ہیں۔ میں نے کہا کہ یہ ایک ہی بکری ہمارے گزراوقات کیلئے ہے اور ویسے بھی اس حالت میں ہم پر قربانی فرض نہیں‘ شوہر مان گئے۔ اتفاق سے اسی روز ہمارے گھر ایک مہمان آگئے۔
میں نے شوہر سے کہا کہ ہمارے پاس اور تو کچھ نہیں ایک یہی بکری ہے لیکن مہمان کے اکرام کا حکم ہے اس لیے آپ اسے ذبح کردیں۔ شوہر بکری ذبح کرنے لگے تو میں نے کہا بچے دیکھ کر روئیں گے اسے ذرا باہر لے جاکر ذبح کرلیں‘ میرے شوہر بکری کو لے کر باہر چلے گئے۔ میں نے دیکھا کہ بالکل اسی طرح کی بکری ہماری دیوار کے اوپر کھڑی ہے اور خود ہی چھلانگ لگا کر ہمارے صحن میں آگئی۔ میں سمجھی شاید بکری شوہر سے چھوٹ کر بھاگ آئی ہے‘ میں باہر گئی تو وہ بکری کی کھال اتار رہے تھے۔ میں نے اپنے شوہر سے کہا کہ بالکل اسی طرح کی بکری ہمارے صحن میں کھڑی ہے۔ شوہر اندر آئے اور کہنے لگے یہ اللہ تعالیٰ کی طرف سے ہمارے پاس آئی ہے اور کہنے لگے یہ بکری اللہ تعالیٰ کی طرف سے مہمان کے اکرام کی وجہ سے ہمیں تحفہ میں ملی ہے۔

Ubqari Magazine Rated 3.5 / 5 based on 136 reviews.