عجیب عمل: جس عورت کے بچے ام الصبیان کے مرض میں مرجاتے ہوں شروع حمل سے شروع کرے اور بچہ کے دودھ پینے تک برابر یہی عمل کرتا رہے تین مرتبہ ہر روزسَلٰمٌ قَوْلًا مِّنْ رَّبٍّ رَّحِیْمٍ ﴿(یٰسین58)کسی روٹی کے ٹکڑے پر لکھ کر حاملہ کو کھلائے یا کاغذ پر لکھ کر پانی یا دوا میں گھول کر پلائے بفضلہٖ تعالیٰ بچہ ہر مرض سے محفوظ رہے گا اور اپنی طبعی عمر کو پہنچے گا۔ پرہیزگار سعادت مند بچہ ہو: جو شخص اپنی بیوی سے ہمبستر ہونے سے پہلے دس مرتبہ یَامُتَکَبِّرُ پڑھے حق تعالیٰ اسے فرزند پرہیزگار سعادت مند عطا کرے گا۔ خونی بواسیر ختم: جس شخص کو خونی بواسیر ہو ایک ہزار مرتبہ یاعلی پڑھ کر پانی پر دم کرکے نوش کرے سات روز میں خون بند ہوجائے گا بواسیر انشاء اللہ جاتی رہے گی۔ بچہ ضد کرتاہو: اگر کسی کا بچہ ضد کرتا اور روتا ہو وہ شخص سات دفعہ یَامُقِیْتُ کو خالی پیالے یا کپ میں دم کرے پھر اس میں پانی بھر کر بچہ کو پلائے۔ انشاء اللہ سات دن کے عمل میں بچہ کی ضد‘ رونا دھونا مع الخیر موقوف ہوگا۔ روزے میں کمزوری ہوجائے افطاری مشکل ہو: اگر کسی بچے یا بڑے آدمی روزے دار کو کمزوری ہوجائے اور افطاری کرنی مشکل ہوتی ہو تو کسی بھی خوشبودار پھول پر سات مرتبہ یَامُقِیْتُ پڑھ کر دم کرے اور وہ پھول روزہ دار سونگھے جائے انشاء اللہ کمزور کو روزہ میں طاقت اور نہایت سہولت سے روزہ پورا ہوگا۔ نیند‘ غفلت اور بھول رفع ہو: جو شخص سوتا بہت ہو اور وہ چاہے کہ میری نیند یا غفلت یا مزاج کی بھول کم ہوجائے وہ اس مبارک نام کو یَامُقْتَدِرُ کو پانچ سو مرتبہ روزانہ پڑھے‘ انشاء اللہ بہت جلد نیند غفلت اور بھول رفع ہوکر مزاج میں ہوشیاری پیدا ہوگی۔ اولاد نرینہ انشاء اللہ عزوجل: اگر کسی شخص کے ہاں بیٹا نہ ہوتا ہو وہ شخص چالیس دن تک ہر روز چالیس مرتبہ یَااَوَّلُ پڑھے پھر پانی یا کسی شربت پر دم کرکے آدھا خود نوش کرے اور آدھا اپنی بیوی کو پلائے تو انشاء اللہ مراد پوری ہوگی اور فرزند صالح پیدا ہوگا اور روزی فراخ ہوگی۔ غیروں میں اپنائیت اور عزت: جو شخص کہیں غیر لوگوں یا انجان آدمیوں میں جائے اور اسم یَااَخِرُ کو اکتالیس مرتبہ پڑھ لے انشاء اللہ جہاں جائیگا عزت توقیر ہوگی بڑا مرتبہ ملے گا۔ شوہر ساری عمر بیوی پر مہربان رہے: لڑکی جس وقت رخصت ہوکر خاوند کے سامنے جائے تو وہ 7 مرتبہ یَارَئُ وْفُ پڑھ لے انشاء اللہ خاوند ساری عمر بیوی پر مہربان رہے گا اور کبھی ناموافقت نہ ہوگی‘ مجرب المجرب ہے۔ صاحب کشف: ماہ رجب‘ شعبان اور رمضان میں یَانَافِعُ کا سات ہزار مرتبہ پڑھنا صاحب کشف اور صاحب باطن خدا کے حکم سے بناتا ہے۔ سانپ موذی جن آسیب نہ ٹھہرے: صبح کی نماز کے بعد یَانُوْرُ ایک ہزار ایک سو اکیس 1121 مرتبہ روزانہ پڑھنا مکان کو روشن کرتا ہے جس مکان میں پڑھا جائے کوئی سانپ موذی جن آسیب وغیرہ وہاں ٹھہر نہیں سکتا۔ (عمل مجرب ہے) یرقان ختم انشاء اللہ الرحمن: ایک سو مرتبہ روزانہ تین دن تک پانی پر دم کرکے پلانا نہایت مفید ہے۔ آیت شریف ہے۔ سَبَّحَ لِلہِ مَا فِی السَّمٰوٰتِ وَ الْاَرْضِ ۚ وَ ہُوَ الْعَزِیْزُ الْحَکِیْمُ ۔(الحدید1) بچوں کے ذہن کھولنا: سورۂ صف کو صبح ایک مرتبہ پڑھ کر پانی پر دم کرکے بچوں کو پلانا ذہن کو کھولتا ہے۔ مردہ سے خواب میں باتیں کرنا: سورۂ التکاثر کو شب جمعہ میں ایک سو تیرہ بار پڑھنا جس مردہ کو خواب میں دیکھنا مقصود ہو اس مردہ کو پڑھنے والے کے سامنے لاتا ہے اور باہم باتیں کرنے کا موقع دیتا ہے۔ عمل مجرب ہے۔ آنکھوں کی بیماری ختم: سورۃ العصر پڑھ کر سرمہ کی سلائی پر دم کرنے سے پھر آنکھوں میں ڈالنے سے آنکھوں کی تمام بیماریوں کو رفع کرتا ہے۔ بے اولاد شخص کے ہاں اولاد ہونا: لاولد شخص کا سورۃ الکوثر پانچ سو مرتبہ روزانہ تین ماہ تک پڑھنا صاحب اولاد کرتا ہے۔ اڑی سے اڑی مشکل کھولنے کیلئے: پنجگاہ نمازوں کے بعد سات مرتبہ سورۃ النصر کا پڑھنا اڑی سے اڑی مشکل کھولنے کیلئے مجرب ہے۔
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
