ماہنامہ عبقری - دسمبر 2011ء

ترجمہ: اور جو لوگ اللہ عزوجل کی راہ میں مارے جائیں انہیں مردہ نہ کہو ایسے لوگ تو حقیقت میں زندہ ہیں مگر تمہیں ان کی زندگی کا شعور نہیں ہوتا۔ (القرآن) سرور کائنات حضور نبی کریم صلی اللہ علیہ وسلم ارشاد فرماتے ہیں کہ محرم الحرام کا چاند دیکھ کر چار مرتبہ سورہ اخلاص پڑھ کر اپنے اوپر اور اہل خانہ پر دم کرنا بہت افضل ہے۔ نفل نماز اول شب بعد نما عشاءآٹھ رکعت نماز نفل چار سلام سے پڑھے اور ہر رکعت میں سورہ فاتحہ کے بعد سورہ اخلاص گیارہ گیارہ دفعہ پڑھے انشاءاللہ العزیز اس نماز کی برکت سے روز محشر اللہ تعالیٰ اس نماز پڑھنے والے اور اس کے گھر والوں کی بخشش فرمائیں گے۔ نفل نماز شب عاشورہ عاشورہ کی شب بعد نماز عشاءچار رکعت نماز نفل دو سلام سے پڑھے ہر رکعت میں بعد سورہ فاتحہ کے آیة الکرسی تین تین دفعہ اور سورہ اخلاص دس دس مرتبہ پڑھے بعد سلام کے سورہ اخلاص ایک سو مرتبہ پڑھ کر اپنے گناہوں کی توبہ کرلے اور اللہ عزوجل سے بخشش طلب کرے انشاءاللہ العزیز خداوند کریم اپنی رحمت کاملہ سے اس نماز پڑھنے والوں کے تمام گناہ معاف فرمائیں گے نماز ظہر سے پہلے یوم عاشورہ چار نماز دو سلام سے اس ترکیب سے پڑھے کہ ہر رکعت میں سورہ فاتحہ کے بعد چار مرتبہ سورہ اخلاص پڑھے اور یہ نماز حضرت امام حسین رضی اللہ تعالیٰ عنہ کو بخشیں۔ نفل روزہ محرم الحرام میں روزہ رکھنے کی بہت فضیلت ہے نویں دسویںمحرم کا روزہ رکھنا بہت افضل ہے۔ وظائف محرم کی پہلی شب سے شب عاشورہ تک روزانہ بعد نماز عشاءایک سو مرتبہ کلمہ توحید پڑھنا واسطے بخشش گناہ بہت افضل ہے۔ دس محرم کو کسی وقت باوضو 70 مرتبہ پڑھے ”حَسبُنَا اللّٰہُ وَنِعمَ الوَکِیلُ“ حصول معرفت الٰہی اور مغفرت گناہ کیلئے یہ وظیفہ پڑھنا بھی بہت افضل ہے۔ یکم محرم الحرام کو ایک سفید کاغذ پر 113 بار بسم اللہ الرحمن الرحیم لکھ کر اپنے پاس رکھے تو پوری زندگی اس پر کوئی ناخوشگوار واقعہ پیش نہ آئے۔ پچھلا صفحہ