محترم حضرت حکیم صاحب السلام علیکم!شوگر کے مرض سے نجات کے لئے عبقری قارئین کی خدمت میں ایک ٹوٹکہ پیش کرنا چاہتی ہوں‘ ان شاءاللہ لوگوں کو اس سے بہت فائدہ ہوگا‘ یہ ٹوٹکہ میرابہت آزمودہ ہے جو جلد اثر کرتا اور اس سےکمال کا نفع ہوتا ہے۔آپ بھی ضرورآزمائیں۔
شوگر کا انوکھا اور حیرت انگیز علاج
ایک دن والدہ کی رات تقریباً 1:30بجے طبیعت خراب ہوگئی ، جب چیک کیا توشوگر406 تھی جس کی وجہ سے دل میں بھی درد ہورہا تھا۔والدہ کی حالت دیکھ کر میں بہت پریشان ہو گئی ۔شوگر کی دوا بھی کھلائی لیکن شوگر کا لیول کم نہ ہوا اور درد بھی بڑھتی چلی جارہی تھی۔ اس دوران مجھے اچانک ایک ٹوٹکہ یاد آیا جو میں نے آزمایا۔کوڑتمہ کو پیس کر والدہ کے دونوںپائوں کی مالش کرنا شروع کر دی۔ تھوڑی ہی دیر گزری تھی کہ والدہ کی طبیعت بحال ہونا شروع ہو گئی اور وہ سوگئیں۔پندرہ منٹ کے بعد جب بہن نے والدہ کا شوگر لیول چیک کیا تو شوگر نارمل ہو چکی تھی۔ جب امی صبح اٹھی تو کہہ رہی تھی کہ میرا منہ کڑواہورہا ہے،ان کو نہیں پتہ تھا کہ میں نے مالش کی ہے۔اللہ تعالیٰ نے بہت خاص کرم کیا جو مجھے فوری یہ طبی ٹوٹکہ یاد آگیا‘ بے شک پریشانی اور مشکل حالات میں اگر طلب سچی ہو تو اللہ غیبی مدد کرتا ہے‘ اللہ تعالیٰ کا جتنا شکر ادا کروں اتنا کم ہے۔
قارئین !شوگر کنٹرول کرنے کے لئےیہ بہت ہی کار آمد نسخہ ہے‘ جو لوگ اس مرض میں مبتلا ہیں ‘ میرا مشورہ ہے کہ وہ ضرور استعمال کریں ‘ ان شاءاللہ شوگر کے مرض سے چھٹکارا مل جائے گا۔نسخہ درج ذیل ہے۔
کوڑتمہ 30روپے کا لے لیں‘اسے باریک پیس لیں‘ کوڑتمہ کوسرسوں کے تیل میں مکس کرکے پائوں پر مالش کریں‘ چاہیں تو تیل کے ساتھ پانی بھی ملا سکتے ہیں‘مالش کرنے والا شخص دستانے پہنیں تاکہ مالش کرنے والے کا شوگر لیول کہیں کم نہ ہوجائے۔ 15سے20منٹ تک مسلسل مالش کریں ‘جب شوگر والے مریض کی زبان کڑوی ہو جائے‘پھر مالش کرنا چھوڑ دیں۔