محترم حضرت حکیم صاحب السلام علیکم! میرے بیٹے کی عمر 23 سال ہے وہ دن رات موبائل کا استعمال کرتا ہے میری لاکھ کوششوں کے باوجود وہ موبائل سے چھٹکارا حاصل نہیں کر سکا۔ میں اس کے لئے پریشان رہتا ہوں کہ میرا بیٹا موبائل کو چھوڑ کر اللہ کی طرف رجو ع کرنےو الا بن جائے۔ ایک اور بیٹا ہے وہ بھی ابھی 16 سا ل کا ہے اور موبائل میں گم رہتا ہے ۔ آپ سے گزارش ہے میری اولاد کے لئے دعا فرما دیجئے کہ وہ موبائل سے نفرت کرنے لگیں اور والدین کے فرمانبردار بن جائیں۔(محسن اختر، راولپنڈی)
جواب: بچوں کو مصروف کرنے کے لئے اکثر مائیں انہیں موبائل پکڑا دیتی ہیں اور سمجھتی ہیں کہ سکون حاصل کر لیا جبکہ وہ اپنا اور اپنی نسلوں کا مستقبل برباد کر رہی ہیں۔ صحت مند اور ترقی یافتہ قومیں اپنی نسلوں کو کبھی بھی موبائل اور غیر فطری غذائوں کے قریب نہیں لے جاتے۔ جو بچے اس علت میں مبتلا ہیں اور اس سہولت کا درست استعمال کر کے اپنے اور معاشرے کے لئے آسانی کا باعث بننے کی بجائے اس کے غلط استعمال میں دھنس چکے ہیں ان کے لئے والدین ایسا کریں کہ جب بچہ سو رہا ہو تو اس کے سرہانے ایک تسبیح حروف صوامت" احد ر سصطع کلموہ" پڑھیں۔ بچوں کے اندر سے یہ علت دور ہو کر نورانیت اور روحانیت پیدا ہو گی ۔