محترم شیخ الوظائف صاحب السلام علیکم!کچھ عرصہ قبل تسبیح خانہ لاہور میں ہونے والی شب جمعہ کی روحانی محفل میںآپ سے ایک عمل سنا تھا کہ ایک سادہ کاغذ پر سبز رنگ کی سیاہی والے پین سے چند اعداد لکھیں اور پھر اسی کاغذ میں پانچ الائچی کے دانے رکھ کے لپیٹ لیں‘ پھراوپر سے ٹیپ چڑھا کر موم جامہ کردیں تاکہ کاغذ نہ کھلے۔اس کے بعد یہ کاغذ اپنے پرس یا تھیلی میں رکھ لیں۔اس عمل کی برکت سے پرس اور تھیلی میں سے کبھی پیسے ختم نہ ہوں گے‘ جیب ہمیشہ بھری رہے گی۔میں نے اس عمل کو آزمایا ‘یہ واقعی بہت بہت نفع مند عمل ہے ‘پیسوں کی کمی کبھی نہیں ہوئی‘ رزق میں برکت اور فراوانی رہتی ہے۔
اعداد یہ ہیں۔ 808۔520۔741۔ان اعداد کو اوپر سے نیچے کی ترتیب سے لکھنا ہے یعنی808 سب سے اوپر ‘ درمیان میں520 اور اس کے نیچے741 لکھنا ہے۔
اس عمل سے روپے نہیں ڈالر ملیں گے!
ایک اور عمل جس کا بارہا کا مشاہدہ ہے وہ عبقری قارئین کی خدمت میں پیش کرناچاہتی ہوں تاکہ باقی لوگ بھی مستفید ہوں۔جتنے بھی پیسوں کی ضرورت ہو ان کوایک کاغذ پر لکھ لیں‘جیسے 5000 روپے کی ضرورت ہو تو کاغذ پر 5000 روپے لکھ لیں۔اب روزانہ اس کاغذ کو دیکھتے ہوئے سات بار سورہ کوثر پڑھنی ہے۔اس کاغذ کو الماری میں یا کسی بھی جگہ اپنے کمرے میںرکھ دیں۔ان شاء اللہ سات دن میں آپ کی ضرورت پوری ہوجائے گی بلکہ اس سے پہلے ہی کام ہو جاتا ہے۔میں نے اس عمل سےبہت فائدہ پایا ہے۔اس عمل سے صرف روپے یا ڈالر ز نہیں بلکہ یورو ملتے ہیں۔مجھے یورو کرنسی میں ایک خطیر رقم کی ضرورت تھی ۔اس عمل سے غیبی مدد ملی اورایک ہفتے سے پہلے الحمدللہ مجھے یہ تمام رقم مل گئی ۔ اللہ تعالیٰ نے اپنے نام کی برکت سے مجھے رسوا ہونے سے بچا لیا۔
نئی گاڑی اور جو چاہا وہ ملا!
تسبیح خانہ کا بتایا عمل جس میں26 محرم کوسورئہ توبہ کی آخری دو آیات کا تعویذ لکھ کے درخت سے باندھتے ہیں اس سے میری تمام حاجات پوری ہوئیں‘نئی گاڑی ملی۔بیٹی لا علاج مرض میں مبتلا تھی ‘پانچ سال سے علاج چل رہا تھا ۔اسی عمل سے اس کی بیماری ختم ہوگئی۔بیٹی نے امتحانات میں کامیابی کیلئے بھی یہی عمل کیا‘الحمدللہ نمایاں نمبروں سے کامیابی ملی۔
(نوٹ: اس تعویذ کا دم کیا ہوا کاغذ 9‘10 محرم الحرام کی محفل میںشامل تمام افراد کو بالکل مفت دیا جائے گا اور طریقہ بھی بتایا جائے گا۔)