محترم شیخ الوظائف صاحب السلام علیکم!دو سال قبل اللہ تعالیٰ کے فضل و کرم سے بیٹی کا رشتہ ایک اچھے گھرانے میں طے پا گیا۔تھوڑاہی عرصہ گزرا تھا کہ لڑکے والوں نے جلد شادی کے لئے اصرار کرنا شروع کر دیا۔ہماری شادی کے لئے بالکل بھی تیاری نہ تھی اور نہ ہی اتنے اسباب تھے کہ اتنے مختصر وقت میںتمام انتظامات کر سکیں لیکن بیٹی کے سسرال والے مسلسل اصرار کر رہے تھے‘ رشتہ بھی اچھا تھا اس لئے ہم نے اللہ تعالیٰ پر توکل کر کے شادی کے لئے ہاں کر دی۔ہمیں علم نہیں تھا کہ چند ہفتوں کے مختصر وقت میں تمام انتظامات اور اخراجات کا کیسے اور کہاں سے انتظام ہو گا کیونکہ شوہر نے کئی لوگوں کو رقم ادھار دے رکھی تھی مگر انہوں نے بھی جلد واپس لوٹانے سے معذرت کر لی تھی۔ہم نے فیصلہ تو کر لیا تھا مگر اب دن رات یہی فکر لگی رہتی تھی کہ کوئی ایسا کرشمہ ہو جائے جس سے تمام معاملات خوش اسلوبی کےساتھ طے پا جائیں ‘ اللہ ہماری لاج رکھ لے۔
ایک دن عبقری یوٹیوب چینل پر آپ کی ایک ویڈیو دیکھی جس میں آپ نے 11 روزے اور 11 مرادوں والا عمل بتایا۔ دسمبر کا مہینہ شروع ہو چکا تھا اور چند ہی دنوں میں اس عمل کا اپنے مقام پر رہتے ہوئے آغاز ہو رہا تھا۔چنانچہ میں نے بیٹی کی شادی کی نیت سے11 روزے رکھے اور اس دوران نہایت درد اور قبولیت کے یقین کے ساتھ روزانہ 11 تسبیح یَا مُسَبِّبَ الْاَسْبَابِ سَبِّبْ لِیْ اَلخَیْر کا ورد کرتی۔سردیوں کے چھوٹے دن تھے‘ اس لئے روزہ رکھتے ہوئے زیادہ مشقت بھی نہ ہوئی ۔ابھی یہ عمل جاری تھا کہ نتیجہ ملنا شروع ہو گیا‘جو لوگ رقم دینے کو تیار نہ تھے انہوں نے خود رابطہ کر کےدے دی۔حالات اتنے سازگار ہو گئے کہ شادی کے تمام انتظامات بخیرو عافیت کے ساتھ انجام پا گئے۔اسی عمل کی برکت سے رزق میںاللہ تعالیٰ نے اتنی فراوانی عطا فرمائی کہ ہمارے پاس ایک خطیر رقم اضافی بچ گئی جس سے بیٹی کی شادی سے پہلے ہمیں ذاتی گاڑی بھی مل گئی ‘ ہمارے سارے مشکل کام اللہ کے حکم سے آسان ہوگئے۔مرادیں پانے اور ناممکن کام کو ممکن کرنے کے لئے یہ بہت ہی مجرب عمل ہے۔اب ہر سال اس عمل کا انتظار رہتا ہے‘عبقری رسالہ سے اس عمل کی ساعت دیکھ کر 11 روزے رکھتی ہوں اورتمام دلی مرادیں پاتی ہوں۔