جس پر جادو جنات نظر بد کا اثر ہو اور جس مریض کو طبیبوں نے جواب دے دیا ہو تو اس کو چاہیے کہ "يا حَيُّ حِيْنَ لا حَيَّ فِي دَيْمُومَةِ مُلْكِهٖ وَبقاِئِهٖ يا حَيُّ"کو ہر روز بعد نماز فجر دو سو مرتبہ اول آخر درود شریف تین بار پڑھے اور اپنے تمام بدن پر اور پانی پر دم کرے اور وہی پانی صبح و شام پیے ۔ ان شاء اللہ العزیز بہت جلد شفاء ہو گی
شادی یا ملازمت کا حصول
برائے ملازمت یا شادی اول آخر گیارہ بار درود شریف اور 313 مرتبہ مندرجہ ذیل آیت بلا ناغہ 41 دن تک پڑھیں تو ملازمت مل جائےگی اور اگر شادی کے لئے پڑھا جائے تو شادی ہو جائے گی ، اگر اکتالیس دن سے قبل ہی کام ہو جائے تب بھی 41 دن پورے کریں ، چھوڑیں نہیں ۔آیت یہ ہے
وَ اِنْ تَعُدُّوْا نِعْمَةَ اللّٰهِ لَا تُحْصُوْهَا-اِنَّ اللّٰهَ لَغَفُوْرٌ رَّحِیْمٌ۔(سورہ نحل :18)
ہر دل میں آپ کی محبت
اگر کوئی شخص چاہے کہ اس کی بیوی، بہن، بھائی، والد، والدہ اس سے خوش ہو جائیں اور محبت کرنے لگیں یا کسی بھی شخص کے دل میں اپنی محبت پیدا کرنا چاہے تو اسےچاہیے کہ اول اکیس بار درود شریف پڑھے درمیان میں یہ الفاظ تین سو بار پڑھے یَا قَابِضُ اَقبِضْ ثُمَّ قَبَضْنٰهُ اِلَیْنَا قَبْضًا یَّسِیْرًا اور آخر میں پھر اکیس مرتبہ درود شریف پڑھے اور اکتالیس روز پابندی سے عمل کرے منہ مطلوب کے گھر کی طرف کرے یا متعلقہ شخص کاتصور کر کے پڑھے۔
یرقان کا علاج
اگر کسی کو پیلیا یرقان ہو جائے ، جس میں آنکھوں کا رنگ پیلا ہو جاتا ہے اور مریض کا جگر کام نہیں کرتا ایسے مریض کے لئے اول و آخر با وضو گیارہ گیارہ مرتبہ درود شریف پڑھے اور درمیان میں ایک سو ایک بار یہ آیت پڑھ کر پانی پر دم کریں اور مریض کو روزانہ پلائیں ، ان شاء اللہ پیلیا سے نجات حاصل ہو گی ۔ آیت کے ساتھ بِسْمِ اللّٰهِ الرَّحْمٰنِ الرَّحِیْمِ، پڑھیں وہ آیت مبارکہ یہ ہے سَبَّحَ لِلٰهِ مَا فِی السَّمٰوٰتِ وَ الْاَرْضِ-وَ هُوَ الْعَزِیْزُ الْحَكِیْمُ
ادائیگی قرض کا عمل
اگر کسی شخص پر قرض کا بوجھ چڑھ گیا ہو اور قرض سے چھٹکارہ حاصل کرنا چاہتا ہے تو اسے چاہیے کہ صبح سحر کے وقت نماز تہجد ادا کرے اول آخر تین بار درود شریف اور 200 مرتبہ رَبِّ اَنِّیْ مَغْلُوْبٌ فَانْتَصِرْپڑھ کر دعا مانگ لیں ، ان شاء اللہ جلد از جلد قرض سے نجات حاصل ہو گی۔
گم شدہ چیز کی واپسی
اگر کوئی چیز گم ہو جائے یا آدمی یا جانور بھاگ جائے تو اس کے لئے سورہ لقمان کی ایک مرتبہ تلاوت کریں  اور اپنے چاروں طرف شہادت کی انگلی گھمائے اس کے بعد سات بار مندرجہ ذیل کلمات پڑھے اَصْبَحْتَ فِی اَمَانِ اللہِ وَ اَمسَیْتَ فِی جَوَارِاللہِ اَصْبَحْتَ فِی اَمَانِ اللہ اور دونوں ہاتھوں سے تالی بجائیں یا دروازہ کھٹکھٹائیں ، وہ گم شدہ چیز یا بھاگا ہوا آدمی یا جانور مل جائے گا ان شاء اللہ
حافظہ اور یادداشت کو مضبوط بنانا
اگر کسی بچہ کی یادداشت کمزور ہو اور وہ پڑھ کر بھول جاتا ہو تو اس کے لئے تازہ روٹی پکا کر اس پر با وضو سات بار یا اللہ لکھیں اور صبح سویرے نہار منہ صبح اٹھنے کے بعد کچھ نہ کھایا ہو اسی صورت میں اس کند ذہن بچہ کو کھلا دیا ان شاء اللہ تعالیٰ ذہن مضبوط اور قوت حافظہ بہت قابل رشک ہو جائے گا ، یہ عمل سات دن یا گیارہ دن یا اکیس دن تک کریں ۔
خاتمہ ایمان پر ہو
روزانہ نماز مغرب کے بعد سورہ قریش چالیس مرتبہ پڑھ لیا کریں اوراگر کوئی شخص پریشان ہو کہا س کا خاتمہ ایمان پر ہو گا یا نہیں تو اسے چاہیے کہ ہر نماز کے بعد پابندی کے ساتھ یہ دعا پڑھا کرے ان شاء اللہ اس کا خاتمہ بالخیر ایمان پر ہو گا۔ وہ دعا یہ ہے رَبَّنَا لَا تُزِغْ قُلُوْبَنَا بَعْدَ اِذْ هَدَیْتَنَا وَ هَبْ لَنَا مِنْ لَّدُنْكَ رَحْمَةً-اِنَّكَ اَنْتَ الْوَهَّابُo