Ubqari®

عالمی مرکز امن و روحانیت
اعلان!!! نئی پیکنگ نیا نام فارمولہ،تاثیر اور شفاءیابی وہی پرانی۔ -- اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

دہی‘ دودھ‘ لسی اور لیموں پانی سے وزن کم کیجئے

ماہنامہ عبقری - جون 2021ء

آج کل ہمارا جینے کا انداز ایسا ہوگیا ہے کہ اس میں زیادہ تر لوگوں کا مسئلہ وزن بن گیا ہے۔ اسے لے کر ہر شخص پریشان نظر آتا ہے۔ آج کل نہ صرف خواتین بلکہ مرد بھی وزن کم کرنے کے لیے فکر مند رہتے ہیں۔ جسم کو سلم اور سمارٹ رکھنے کے یوں تو کئی طریقے اور ٹوٹکے ہیں لیکن آپ محض اپنی خوراک میں مناسب اور معیاری مشروبات کے استعمال سے بھی اپنا وزن کم کرسکتے ہیں۔ وزن کم کرنے کے لیے طرزِ زندگی میں تبدیلی لانا بہت ضروری ہے۔ اگر آپ صحت بخش مشروبات سے اپنا وزن کم کریں گے تو یہ طریقہ کارآمد بھی ہوگا اور پائیدار بھی، وہ مشروبات جن سے نہ صرف وزن کم ہوتا ہے بلکہ جسم کو ضروری غذائیت بھی حاصل ہوتی ہے مندرجہ ذیل ہیں۔
فیٹ فری دودھ
دودھ میں موجود کیلشیم جسم میں موجود کولیسٹرول کو دبا دیتا ہے۔ کولیسٹرول ایک ایسا ہارمون ہے جس سے آپ کا وزن بڑھتا ہے۔ اگر کولیسٹرول کی مقدار کم ہوتو جسم کی چربی آسانی سے گھل جاتی ہے۔ اس کے علاوہ کیلشیم کے استعمال سے بھوک کم لگتی ہے۔ اس کا مطلب یہ ہے کہ دودھ زیادہ پینے سے بھوک کم لگتی ہے۔ دودھ آپ کی ہڈیوں کے لیے بھی نہایت ضروری ہے، دن میں کم از کم ایک گلاس دودھ پینا آپ کو ہڈیوں کی بیماری سے بچاتا ہے۔
سبزی کا جوس
کھانے سے پہلے کسی بھی سبزی کا جوس پینے سے آپ 135 کے قریب کیلوریز حاصل کرسکتے ہیں۔ ہر سبزی ہی غذائیت سے بھرپور ہوتی ہے۔ لہٰذا موسم اور اپنی پسند کے لحاظ سے کسی سبزی کا انتخاب کریں اور اس کا جوس نکال کر پئیں۔ آپ دو سے تین سبزیوں کا جوس بنا کر بھی پی سکتے ہیں۔ کسی بھی سبزی کے جوس پینے سے آپ کے جسم میں توانائی بھی پیدا ہوتی ہے، اور جسم کے لیے فائدہ مند بھی ہے۔
دہی سے بنے مشروبات
دہی کے استعمال سے بھوک کم لگتی ہے۔ دہی سے آپ لسی کے علاوہ بھی کئی اقسام کے مشروبات تیار کر سکتے ہیں۔ جیسے دہی میں سیب، اسٹرابیری یا کیلے شامل کرکے مزیدار مشروب تیار کیا جاسکتا ہے۔ دہی کا باقاعدہ استعمال آپ کو 61 فیصد زیادہ چربی ختم کرنے میں مدد کرسکتا ہے۔ دہی کے استعمال سے جسم میں چربی بننے کی رفتار بھی کم ہو جاتی ہے۔
سبزچائے
سبز چائے کے دن میں دو سے تین کپ کے استعمال سے جسم میں چربی 35 سے 43 فیصد تک کم ہو جاتی ہے۔ سبز چائے میں موجود کیفین سے چربی گھلنے کا عمل تیز ہو جاتا ہے۔ اس کے علاوہ یہ جسم سے اضافی پانی کو بھی خارج کرتی ہے۔
لیموں پانی
لیموں کی ایسیڈک خصوصیات اسے وزن کم کرنے میں معاون بناتی ہیں۔ لیموں پانی کو آپ کئی مختلف انداز سے تیار کرسکتے ہیں جس سے اس کی افادیت میں مزید اضافہ ہو جاتا ہے۔ گرین لیموں پانی کی ترکیب مندرجہ ذیل ہے۔ کھیرا ایک عدد، لیموں آدھا، سیب دو عدد، پودینہ تھوڑا سا۔ ان تمام اجزاء کو بلینڈ کرلی اور پھر ٹھنڈا کرکے پئیں۔

 

Ubqari Magazine Rated 3.5 / 5 based on 665 reviews.