Ubqari®

عالمی مرکز امن و روحانیت
اعلان!!! نئی پیکنگ نیا نام فارمولہ،تاثیر اور شفاءیابی وہی پرانی۔ -- اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

غلط اور صحت دشمن عادات سے چھٹکارا اور صحت پانے کا نسخہ

ماہنامہ عبقری - فروری 2021ء

اپنے ہاتھوں کو سائیڈ رکھیں۔ اپنے پیروں کو فرش پر بالکل سیدھا کردیں اور ہر 30 منٹ بعد اپنی پوزیشن کو تبدیل کرتے رہیں۔ یہ عمل نہ صرف دبائو کو کم کرتا ہے بلکہ اس بات کی نشاندہی بھی کرتا ہے کہ آپ جسم کے کس حصے کو غلط طریقے سے استعمال میں لارہے ہیں۔ اس سے یہ فائدہ ہوتا ہے کہ آپ وقت کے ساتھ یہ سمجھ جاتے ہیں کہ اٹھنے بیٹھنے کا درست طریقہ کیسے اپنایا جاسکتا ہے۔ہم یہ تمام باتیںلکھتے ہوئے ایک عجیب سا دبائو محسوس کررہے ہیں۔ ہماری گردن کا جھکائو مسلسل سیدھی طرف کے کندھے پر ہے۔ ہاتھ بھی توازن میں نہیں ہیں،کیوں کہ اس وقت لیپ ٹاپ پر کام کیا جارہا ہے۔ تھوڑی دیر بعدہم کسی نہ کسی پین کلر ٹیبلٹ کھانے کی طرف لپکیں گے۔ لیکن اپنی اس بری عادت کو چھوڑنا آسان
نہیں لگتا حالانکہ یہ ناممکن بھی نہیں ہے۔صحیح طریقے سے سونا دبائو کو کم کرسکتا ہے اور جسم کے تمام حصوں کو متوازن حالت میں رکھتا ہے۔ پیٹ کو نیچے کی جانب لٹکا کر سونا بے چینی کا باعث بنتا ہے۔ اسی طرح اونچا نیچا بستر بھی تکلیف کا باعث بنتا ہے۔کروٹ لےکر نہ سوئیں اور سونے کے دوران اپنے گھٹنے کوسینے سے ملا کر نہ رکھیں۔ایسی پوزیشن میںسوئیں جو پیٹھ کے خم کو توازن میںرکھنے کے لیےمعاون ثابت ہو۔ایسا نہ ہو کہ تکیہ سر کے نیچے ہونے کے بجائے پیٹھ کے پیچھے ہو جائے۔ اکثر لوگ بے پرواہی میں سوتے ہوئے مختلف تکالیف میںگرفتار ہو جاتے ہیں۔ ایک بات کا خیال رہے کہ آپ کاتکیہ پتلا ہوتا کہ آپ کے جسم کے ساتھ گردن بھی ہموار رہے۔لیٹ کر یا بیٹھ کر اٹھ رہے ہوں تو کبھی اپنی کمر سے مدد نہ لیں بلکہ اپنی پوزیشن تبدیل کرنے کے لیے ہاتھوں کو استعمال میں لائیں۔ ہم جانتے ہیں کہ ہماری بتائی جانے والی بہت سی باتوں پر عمل کرنا آسان نہیں ہوگا مگر عادت کو بدلنے کی کوشش کی جاسکتی ہے۔ غلط اور صحت دشمن عادتوں سے احتیاط برتنا آپ کے حق میں بہتر ہوتا ہے اور صحت مند زندگی گزارنے کے لیے ایسا کرنا انتہائی ضروری بھی ہے۔ آپ کے کھڑے ہونے کاطریقہ بھی کچھ اس طرح ہونا چاہئے کہ آپ کا جسم توازن میں رہے۔ تصورکیجئے کہ آپ کسی چیز کاسہارا لے کر کھڑے ہوئے اور آپ کا جسم غیر متوازن حالت سے گزرا۔ یہ ایک خطرناک پہلو ہوسکتا ہے، اس سے جسم کے کسی بھی حصے پر دبائو پڑسکتا ہے۔ہماری نظر میں سب سے اچھا اصول اوراٹھنے بیٹھنے کا صحیح طریقہ یہ ہوگا کہ آپ ہر تیس منٹ بیٹھنے کے بعد بیس سے تیس قدم ضرور چلیں۔ کسی بھی قسم کی چیز اٹھاتے ہوئے کمر پر جھکائو دینے کے بجائے گھٹنوں پر زور دیں۔ یہ خاصا مشکل ہوگا لیکن مشق کرنے سے آپ کوعادت پڑ جائے گی۔ اٹھنے بیٹھنے کا درست طریقہ اپنائیے،کیونکہ یہ عمر بھر آپ کے کام آتا ہے اور آپ کی شخصیت چاق و چوبند لگنے لگتی ہے۔
آپ میں خود اعتمادی آجاتی ہے جب کہ غیر متوازن پوسچر اچھی خاصی شخصیت میں بگاڑ کا باعث بنتا ہے۔

 

Ubqari Magazine Rated 3.5 / 5 based on 145 reviews.