ماہنامہ عبقری - اگست 2009ء

ماہانہ روحانی محفل (ایڈیٹر: حکیم محمد طارق محمود عفا اللہ عنہ) قارئین کی طلب‘ تڑپ اور اصرار کے بعد ہر ماہ محفل کے اوقات تین بار کر دیئے گئے ہیں‘9اگست بروزہفتہ ،18 اگست بروز منگل اور28اگست بروز جمعتہ المبارک شام 4 بج کر 38 منٹ سے لے کر 7 بج کر 11 منٹ کے درمیان یاحَیُّ یَاقَیُّومُ اِیَّاکَ نَعبُدُوَ اِیَّاکَ نَستَعِینُ بِرَحمَتِکَ اَستَغِیثُ۔ 62 منٹ پڑھیں۔ یہ ذکر ، بھکا ری بن کر ، خلوص دل ، درددل ، توجہ اور اس یقین کے ساتھ کہ میرارب میری فریا د سن رہا ہے اور سو فی صد قبول کر رہا ہے۔ پانی کا گلاس سامنے رکھیں ا و ر اس تصو ر کے ساتھ پڑھیں کہ آسمان سے ہلکی پیلی روشنی آپ کے دل پر ہلکی بارش کی طر ح برس رہی ہے اور دل کو سکون چین نصیب ہو رہا ہے اور مشکلات فوری حل ہو رہی ہیں۔ وقت پورا ہونے کے بعد دل و جا ن سے پوری امت ، عالم اسلام، اپنے لیے اور اپنے عزیز و اقارب کے لیے دعا کریں ۔ پورے یقین کے ساتھ دعا کریں ۔ ہر جائز دعا قبول کر نا اللہ تعالیٰ کے ذمے ہے۔ دعا کے بعد پانی پر تین بار دم کر کے پانی خود پئیں۔ گھروالوں کو بھی پلا سکتے ہیں۔ انشاءاللہ آپ کی تمام جائز مرادیں ضرور پوری ہوں گی۔ہر محفل کے بعد 11روپے صدقہ ضرور کریں۔ (نوٹ:) خواتین ناپاکی کے ایا م میں بغیر مصلےٰ کے بھی باوضو ہو کر روحانی محفل میں شرکت کر سکتی ہیں ۔ اگر اسی وقت یہ وظیفہ روزانہ کر لیں تو اجازت ہے مستقل بھی کرنا چاہیں تو معمول بنا سکتے ہیں ۔ ہر مہینے کا ورد مختلف ہو تا ہے او ر خاص وقت کے تعین کے ساتھ ہو تا ہے۔ بے شمار لوگو ں کی مرادیں پوری ہوئیں۔ ناممکن ، ممکن ہو ئیں ۔ پھر لوگوں نے اپنی مرادیں پوری ہونے پر خطوط لکھے آپ بھی مرا د پوری ہونے پرخط ضرور لکھیں ۔یہ روحانی محفل ”مرکز روحانیت و امن “میں اجتماعی طور پر نہیں ہوتی۔ پچھلا صفحہ