(شاہد علی، منچن آباد)

محترم حضرت حکیم صاحب السلام علیکم! سدا خوش رہیں اللہ آپکی محنت کاوش اپنی بارگاہ میں قبول فرمائے عبقری سے لاکھوں کروڑوں افراد فیض یاب ہورہے ہیں جن میں میں بھی شامل ہوں۔ میرے سارے گھر والوں اور مجھ پر کسی نے ایسا جادو کیا جس سے رفتہ رفتہ کمر ٹوٹنے لگیں، اتنا شدید درد ہوتا کہ جیسے ابھی کمر ٹوٹ جائیگی، خاص کر میری امی اور بہن جو تیرھویں جماعت کی طالبہ ہے ۔درد اتنا ہوتا تھا کہ جب تک انجکشن نہ لگے نیند بھی نہیں آتی تھی اور آخر کار درد کے انجکشن نے بھی جواب دیدیا۔پھر اللہ نے توفیق دی میرا جو روزانہ کامعمول تھا کہ فجر کے بعد سورئہ فاتحہ کے بعد سورئہ بقرہ کی ابتدائی پانچ آیات، آخری دو آیات، سورئہ توبہ کی لقد جاء کم والی آخری دو آیات، سورئہ یٰسین، رحمن، مزمل، واقعہ، محمد، جن اور آیت الکرسی سورئہ شمس سے لیکر آخر تک ساری سورتیں بمعہ بسم اللہ روزانہ پڑھ کر پانی پر دم کرکے رکھتا تھا۔ میں ہمیشہ یہ پانی پیتا رہتا تھا اس لیے مجھےجادو کا ایک بار بالکل تھوڑا سا احساس ہوالیکن اتنا اثر بالکل بھی نہ ہوا جتنا گھر کے دوسرے افراد پر تھا۔ آخرکار میں نے استخارہ کیا تو اللہ کے فضل و کرم سے اشارہ ہوا کہ یہی پانی سب کو پلایا جائے، تین بار استخارہ کے دوران اسی دم والے پانی کا اشارہ ہواچونکہ میں گھر کا فرد تھا اس لیے سب نے میری بات ویسے نہ لی جیسے حق تھا لیکن بارہاں کے اصرار پر جب وہ پانی استعمال کیا تو ماشاء اللہ کافی صحت ملی اور جادو کا اثر بھی ختم ہوگیا۔