محترم حضرت حکیم صاحب السلام علیکم!میں اور میری بیٹی عبقری رسالہ بہت شوق سے پڑھتی ہیں‘ کچھ عرصہ پہلے میں نے اپنی آنکھیں چیک کروائیں تو ڈاکٹر نے یہ کہہ کر میرے اوساں ہی خطاکردئیے کہ آپ کی آنکھ میں موتیا اتر آیا ہے‘ ڈاکٹر نے مجھے آپریشن کا کہہ دیا‘ خیر میں ڈاکٹر سے ادویات لے کر گھر آگئی‘ میں نے ماہنامہ عبقری میں سے دیکھ کر روزانہ سورۂ یٰسین تین مرتبہ پڑھ کر سرمہ دانی پر دم کرتی اور اس میں سے سرمہ لے کر روزانہ دن میں تین مرتبہ آنکھ میں لگاتی اور اس کے ساتھ رات کو سوتے وقت عبقری دواخانہ کی ’’آنکھ شفاء‘‘ استعمال کرتی رہی۔ ابھی گزشتہ دنوں جب میں دوبارہ ڈاکٹر کو آنکھیں چیک کروانے گئی تو اور اس سے موتیا کا پوچھا تو ڈاکٹر نے کہا کہ موتیا کا دور دور تک نام و نشان نہیں‘ یعنی آپ کی آنکھیں بالکل ٹھیک ہیں۔ میں نے انہیں یاد دلایا کہ آپ نے تو مجھے موتیا کا بتایا تھا‘ ڈاکٹر نے حیرانی سے کہا وہی میں دیکھ رہا ہوں ماشاء اللہ آپ کی آنکھیں بالکل صاف ہیں‘آپ کو آپریشن کی ضرورت نہیں‘ بس جو پہلے عینک استعمال کرتی تھیں وہی کریں۔الحمدللہ! چھوٹے سے عمل نے آپریشن سے بچالیا۔ (ارشاد اختر‘ واہ کینٹ)