قارئین! ماہنامہ عبقری اگست2013 کےشمارے میں محترم حضرت حکیم صاحب کامعلوماتی طبی آرٹیکل پڑھا جو کہ زرشک کے متعلق ہے‘یہ ان کا خاص طریقہ ہے کہ وہ اپنے قارئین اور مریضوں کے علاوہ ڈاکٹر صاحبان کو بھی ان نسخہ جات سے نوازتے ہیں (اللہ تعالیٰ ان کو اس روش پر چلنے کی ہمیشہ توفیق دیتا رہے) زرشک کے بارے میں کچھ اضافہ کرنا چاہتا ہوں‘ زرشک کا پودہ ہومیو پیتھی میں جگر اور بائیں گردے کی پتھری کیلئے لاجواب مانی گئی ہے جبکہ یہ سملو بھی کہلاتی ہے۔ حکیم سعید شہید رحمۃ اللہ علیہ مطلب میں بیٹھے تھے کہ ایک مریض نے بینائی تیز کرنے کیلئے مشورہ مانگا‘ حکیم صاحب نے ایک لمحہ توقف کے بعد اس مریض کو روزانہ صبح زرشک چھ گرام چبا لینے کی ہدایت فرمائی‘ کسی نے پوچھا کہ زرشک کا بینائی سے کیا تعلق؟ تو انہوں نے فرمایا کہ عقاب زرشک کھاتا ہے‘ اس کی نظر بہت تیز ہوتی ہے‘ اس لیے میرے ذہن میں آیا‘ اس مریض نے دو ماہ بعد مطلب میں آکر بتایا کہ اسے زرشک سے بہت فائدہ ہوا ہے۔ اس کے بعد بہت سے لوگوں نے استعمال کی اور اس کے بہت اچھے رزلٹ بتائے۔ اس کی مقدار چھ گرام تک استعمال کی جاتی ہے۔محترم حضرت حکیم صاحب نے اپنے طبی آرٹیکل میں بے شمار فوائد گنوائے ہیں‘ زرشک جگر‘ دل اور معدے کو تقویت بخشتی ہے‘ جگر کے امراض مثلاً یرقان‘ پتے کی پتھری‘ بخار اور بواسیر میں مفیدہے۔ کثرت حیض میں کمال دکھاتی ہے۔ صفراوی دستوں میں شفائی اثرات بہت زیادہ ہیں‘ یہ بڑھی تلی کو معمول پر لانے کیلئے بھی استعمال ہوتی۔ پرانی پیچش میں زرشک چھ گرام روزانہ صبح چبا کر کھانے سے بہت فائدہ ہوتا ہے۔ (ہومیوپیتھک ڈاکٹر نفیس اقبال‘ ملتان)