محترم حضرت حکیم صاحب السلام علیکم! کافی عرصہ سے عبقری میگزین پڑھ رہی ہوں۔ اس کے علاوہ آپ کے درس انٹرنیٹ سے ڈاؤن لوڈ کر سنتے ہیں اورخوب فیض یاب ہوتے ہیں۔ میں نے گریجوایشن کی تھی جبکہ میں ماسٹر کرنا چاہتی تھی‘ گھر والوں کی طرف سے شدید مخالفت تھی‘میں پریشان تھی۔ ایک دن اسی مقصد کیلئے عبقری سے وظائف ڈھونڈ رہی تھی کہ میری نظر روحانی محفل کے کالم پر پڑی۔ مجھے لگا یہی وہ وظیفہ ہے جو میرا مسئلہ حل کرسکتا ہے۔میں نے دی گئی ترتیب کے مطابق روحانی محفل کرنا شروع کردی۔ ابھی صرف مجھے تین ماہ ہی روحانی محفل کرتے ہوئے تھے کہ میرے بڑے بھائی جو سب سے زیادہ مخالف تھے انہوں نے خود ہی مجھ سےآکر بات کی اور 
میری ایڈمیشن لینے کا کہا‘ میرے توخوشی سے آنسو ہی نکل آئے‘ اگلے دن خود میرے بھائی میرے ساتھ گئے اور فارم وغیرہ لیے۔ اب الحمدللہ میری تعلیم جاری ہے اور ساتھ روحانی محفل بھی۔ (عائشہ بنت عامر‘ پسرور)