سارا سال امن و امان، تنگ دستی سے حفاظت:یہ بہت آزمودہ اور مجرب عمل ہے۔ اللہ والے فرماتے ہیں کہ: جو شخص سورۃ فاتحہ کورمضان کی پہلی شب میںپڑھ لے وہ سارا سال امن وامان اور حفاظت میں رہتا ہے۔اس عمل کی برکت سے پورا سال اس کوتنگدستی پیش نہیں ہوتی۔سبحان اللہ...!
رمضان المبارک میں گناہ چھوڑنا:اگر آپ کوئی گناہ چھوڑنا چاہتے ہیں۔اسکے لیے رمضان بہترین وقت اور بہترین موسم ہے۔ جیسے موسیقی چھوڑنا چاہتے ہوں تو تصور کریں کہ اللہ میں نے رمضان کے مہینے میں موسیقی سننا چھوڑ دی ہے، تو اب مجھے باقی کے سارے سال میںاس سے بچا۔
شاہی مرکب سے جون کا رمضان بھی دسمبر جیسا:ھوالشافی: گل نیلوفر، گلاب کے خشک پھول، مغزبادام ایک پاؤ (ایرانی)، دھنیا (خشک)، چاروں مغز آدھا پاؤ، سونف، بڑی الائچی، چھوٹی الائچی تمام 50,50گرام لے کر تنکے صاف کرکے بالکل باریک پیس لیں۔اس میں گل قند ایک کلو‘ مربع سیب آدھا کلو‘ مربع آملہ آدھا کلو‘ چاندی کے ورق 10 دفتری۔ترکیب تیاری: مغزیات اور باقی چیزیں باریک پیس لیں‘ مربع جات باریک پیس کر گٹھلیاں جدا کرلیں‘ ان سب کو ملائیں‘ خوب مکس کریں‘ آخر میں چاندی کے ورق ملا کر اور چند قطرے روح کیوڑا کے ملاکر مکس کرکے فریج میں رکھیں یا کسی ٹھنڈی جگہ رکھیں۔ترکیب استعمال: دو چمچ ہلکے ٹھنڈے پاؤ بھر دودھ میں اچھی طرح گھول کر پی لیں‘ ورنہ دودھ کے علاوہ کھا کر اوپر سے پانی بھی پی سکتے ہیں لیکن اگر دودھ سے لیں تو تقویت زیادہ ہوگی۔ ٹھنڈائی شربت: زیادہ گرمی محسوس ہونے کی صورت میں ٹھنڈائی استعمال کریں۔ پہلوان ورزش کیلئے ٹھنڈائی استعمال کرتے ہیں۔ ٹھنڈائی کا نسخہ حسب ذیل ہے۔ ھوالشافی: مغزبادام7عدد‘ مغز تخم خیارین 3 گرام‘ خشخاش 3گرام‘ مغز تخم کدو 3گرام‘ سونف 3 گرام‘ سیاہ مرچ 7 عدد‘ ایک پاؤ دودھ میں گھوٹ کر چھان لیں اور چینی سے میٹھا کرکے استعمال کریں۔رمضان میں سحری وافطاری میں ضرور استعمال کریں۔
رمضان المبارک کے مزید طبی و روحانی ٹوٹکے جاننے کیلئے درج ذیل کتاب کا ضرور مطالعہ کریں
’’رمضان المبارک کے روحانی و جسمانی ٹوٹکے‘‘
اور رمضان المبارک کا ہر ہر لمحہ قیمتی بنائیں۔