محترم حکیم صاحب السلام علیکم! ہم تقریباً دو سال سے عبقری پڑھ رہے ہیں اس رسالے کی بدولت ہمارے بہت سے مسائل حل ہورہے ہیں۔ آپ کی نیت کے خلوص کی وجہ سے بہت سے لوگ مستفید ہورہے ہیں۔ گزشتہ عبقری کے کچھ شماروں میں دیمک کے کنٹرول کا حل پوچھا گیا تھا۔ ایک ٹوٹکہ میری نظر سے گزرا ہے۔ ایک دوبار آزمایا ہے‘ نہایت ہی کامیاب ہے۔جس جگہ دیمک لگی ہو پہلے وہ صاف کردیں‘ ساری دیمک اکھاڑ کر گھر سے دور پھینک دیں پھر اس جگہ پر یا فرنیچر پر ’’مٹی کا تیل‘‘ (نمک حل کرکے) اچھی طرح لگادیں‘ انشاء اللہ دوبارہ دیمک نہیں لگے گی۔ دیمک دیواروں پر بھی لگ جاتی ہے اور سوراخ کردیتی ہے جب لگنی شروع ہو تو فوراً       اتار دیں۔