ایک مرتبہ ہم گاڑی میں لمبے سفر سے آرہے تھے کہ راستے میں گاڑی خراب ہوگئی‘ پاس میں صرف ایک ہی دکان تھی‘ ڈر تھا کہ اگر گاڑی صحیح نہ ہوئی تو رات یہی نہ ہوجائے جب دس پندرہ منٹ تک گاڑی صحیح نہ ہوئی تو مجھے پریشانی لاحق ہو
سورۂ رحمٰن کی برکتیں ۔۔۔
عظمیٰ اعجاز ہماری ایک عزیز کے گھر میں اُن کی بیٹی کی منگنی تھی اب وہاں پریشانی یہ تھی کہ لڑکی کے والد جو کہ انہیں چھوڑ چکے ہیں آکر کوئی ہنگامہ نہ کھڑا کردیں کیونکہ اکثر خوشی کے موقع پر وہ ایسا کرتے ہیں۔ میں نے انہیں بتایا کہ آپ سورۂ رحمٰن 21 بار پڑھ کر پانی پر دم کریں‘ گھر میں چھینٹے ماریں‘ خود بھی پی لیں اور کھانے میں بھی ڈال لیں اور دعا کریں‘انشاء اللہ سب ٹھیک ہوگا‘ بس اللہ کی طرف سے دل میں آئی کہ حضرت نے سورۂ رحمٰن کے اتنے فائدے بتائے ہیں تو یہ اللہ کی کلام ہی ہے اس کو اس طرح پڑھ لیں تو بھی فائدہ ہی ہوگا۔ بس میرے دل میں آئی اور میں نے انہیں بتادیا۔ انہوں نے ایسا ہی کیا۔ تقریب ہوئی تو سب ڈرے ہوئے تھے‘ مہمان آئے‘ رسم ہوئی‘ کھانا کھلایا گیا یہاں تک کہ وہ سب کام کرکے چلے گئے مگر اللہ کا شکر ہے کہ سب ٹھیک ٹھاک ہوگیا۔ کوئی بدمزگی نہیں ہوئی پھر انہوں نےشکرانے کے نوافل پڑھے اور چھوٹے بچوں میں ٹافیاں تقسیم کیں۔ جب میں نے انہیں یہ عمل بتایا تو میں نے اللہ سے دعا کہ یااللہ !حکیم صاحب نےدرس میں یہ سورۂ رحمٰن کا عمل بتایا تھا اور وہ اکثر کہتے ہیں میں نے تیرے بندوں کو تیرا نام دیا ہے ان کے کام اب تو بنادے اور پھر اللہ نے سب کام اچھے سے کردئیے وہ لوگ خوش ہوگئے ۔یہ سب کچھ اللہ کے نام کی برکت ہے۔ ادھر سوچا اُدھر پایا
اُم حذیفہ محترم حکیم صاحب السلام علیکم! ویسے تو قرآن پاک کا ہر لفظ ہی تاثیر سے بھرپور ہے لیکن میں نے جو اپنی پریشانی ومشکلات کے حل کیلئے جو آیت آزمائی وہ سورۂ قصص کی آیت نمبر چوبیس ہے۔ ایک مرتبہ ہم گاڑی میں لمبے سفر سے آرہے تھے کہ راستے میں گاڑی خراب ہوگئی‘ قریب میں صرف ایک ہی دکان تھی‘ ڈر تھا کہ اگر گاڑی صحیح نہ ہوئی تو رات یہیں نہ ہوجائے جب دس پندرہ منٹ تک گاڑی صحیح نہ ہوئی تو مجھے پریشانی لاحق ہوئی کیونکہ ساتھ میں کوئی دوسرا مرد بھی نہیں تھا۔ ایک بھائی تھا اور دو ہم بہنیں تھیں‘ ساتھ میں چھوٹے بچے بھی تھے اور نزدیک میں کوئی پٹرول پمپ تک نہ تھا۔ لہٰذا میں نے سورۂ قصص کی آیت نمبر 24 تلاوت کرنا شروع کردی‘ ابھی چند بار ہی پڑھی تھی‘ حیرت انگیز طور پر ہماری گاڑی ٹھیک ہوگئی اور ہم بخیرو عافیت گھر پہنچ گئے۔ایک مرتبہ ایسے ہی میرے ڈیڑھ سال کے بچے نے باتھ روم کے اندر گھس کر کنڈی لگائی اور پھر رونا شروع کردیا اور تقریباً آدھے گھنٹے تک ہم باتھ روم کی کنڈی کھولنے کی کوشش کرتے رہے لیکن وہ تو بچے نے اندر سے لگائی ہوئی تھی وہ کیسے کھلتی؟ اچانک مجھے یہی آیت یاد آئی تو فوراً ہی پڑھنا شروع کردی اور اللہ نے کرم کردیا شاید بچے نے خود ہی کنڈی کھول دی۔ایسے کئی دفعہ میں نے آزمایا جب بھی کوئی مشکل سر پر آئی یہ آیت پڑھی فوراً مسئلہ حل ہوگیا۔ ایک مرتبہ کچھ کھانے کی خواہش ہوئی تو تب بھی میں نے یہی آیت تلاوت کی تو پھر اللہ نے میری خواہش کو پورا فرمادیا۔ بس اللہ تعالیٰ تو بڑے ہی کرم والے ہیں ہم ہی اس کی طرف نہیں آتے۔ سورۂ قریش سے موبائل ٹھیک
انیقہ عامر میرا موبائل گم ہوا‘ کچھ عرصہ بھی پھر مل گیا لیکن وہ آن نہیں ہوتا تھا‘ میں نے اُس پر بار بار سورۂ قریش پڑھ کر دم کی‘ گنتی یاد نہیں۔ جب بھی کرتی اول و آخر درود پاک پڑھ کر تی رہی‘ رپیئرنگ والوں کو بھیجا انہوں نے کہا اس نے ٹھیک نہیں ہونا‘ پھر میں نے نوکیا کیئر والوں کو بھیجا اُن سے فون پر بات ہوئی تو انہوں نے بھی کہا اس نے ٹھیک نہیںہونا آکر لےجائیں۔ میں پھر بھی تصور کرکے سورۂ قریش کا موبائل فون پر دم کرتی رہی۔جب ہم نے نوکیا کیئر والوں سے جاکر موبائل لیا اور گھر آکر آن کیا تو معجزانہ طور پر آن ہوگیا۔ میری خوشی کی کوئی انتہا نہ تھی اور وہ ایسے چل رہا تھا جیسے ابھی نیا لیا ہے۔ یہ موبائل فون بہت مہنگا تھا اور نیا لینے کیلئے میرے پاس اتنے پیسے نہ تھے۔ سورۂ قریش اور میرے یقین نے اللہ کےفضل سے موبائل ٹھیک کردیا۔ اس کے علاوہ سردی میں گیس کی شدید لوڈشیڈنگ کے دوران میں ہیٹر پر 129مرتبہ سورۂ کوثر اول و آخر گیارہ مرتبہ درود شریف پڑھ کر دم کرتی ہوں تو گیس کی کمی دور ہوجاتی ہے یا محسوس ہی نہیں ہوتا کہ کوئی تنگی ہے۔
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
