اے انسان! تو سمجھتا ہے کہ ہمیشہ زندہ رہے گا لیکن نہیں‘ روح تمہاری ملک الموت لے جائیں گے‘ مال ورثا لے جائیں گے اور بدن کیڑے مکوڑے کھاجائینگے‘ جلد ہی تمہارا نام زندوں کی فہرست سے نکال کر مُردوں کی فہرست میں درج کردیاجائیگا۔ والدین بہت روئیں گے‘ بالآخر مایوس ہوکر بیٹھ جائیںگے‘ احباب عزیز و اقارب تمہیں خوب یاد کرکے ہمیشہ کیلئے بُھول جائیں گے۔ بیوی کچھ عرصہ سوگوار رہے گی مگر چند روز کے بعد حالات کی تبدیلیاں اسے تازہ مشاغل میں الجھا دیں گی۔ بچے بہت یاد کریں گے مگر آہستہ آہستہ ان کے ذہن سے تمہارا نقش محو ہوجائے گا۔ طوفان بادو باراں دستوراً تمہاری قبر کی بلندی کو ہموار کرکے تمہارا نام صفحہ ہستی سے مٹادیں گے‘ چند سال بعد ایک بھولے ہوئے خواب کی مانند ہوجاؤگے۔ نصف صدی گزر جانے پر اس بات کا باور کرنا مشکل ہوگا کہ تم کبھی دنیامیں آئے بھی تھے۔ اس لیے دنیا کی فکر چھوڑ آخرت کی تیاری کر جہاں ابدی زندگی تیرا انتظار کررہی ہے۔(عبدالرازق‘پشاور)