ماہنامہ عبقری - مئی 2010ء

حضرت جابر بن عبداللہ رضی اللہ تعالیٰ عنہما بیان کرتے ہیں کہ میں نے حضور نبی کریم صلی اللہ علیہ وسلم کوحج کے دوران عرفہ کے دن دیکھا کہ آپ صلی اللہ علیہ وسلم قصواءاونٹنی پر سوار خطاب فرمارہے ہیں پس میں نے آپ صلی اللہ علیہ وسلم کو فرماتے ہوئے سنا ”اے لوگو! میں نے تم میں وہ چیز چھوڑی ہے کہ اگر تم اسے مضبوطی سے تھام لو تو تم کبھی گمراہ نہیں ہوگے۔ اور وہ چیز کتاب اللہ اور میری عترت یعنی اہل بیت ہیں۔ (ترمذی) حضرت حذیفہ رضی اللہ تعالیٰ عنہ بیان کرتے ہیں کہ حضور نبی کریم صلی اللہ علیہ وسلم نے فرمایا ایک فرشتہ جو اس رات سے پہلے کبھی زمین پر نہ اترا تھا اس نے اپنے پروردگار سے مجھے سلام کرنے کی اجازت مانگی اور مجھے بشارت دی کہ بے شک فاطمہ رضی اللہ تعالیٰ عنہا جنت کی عورتوں کی سردار ہیں۔ اور بے شک حسن اور حسین رضی اللہ عنہ جنت کے نوجوانوں کے سردار ہیں ۔ (ترمذی) حضرت جابر بن عبداللہ رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا کہ میری بیٹی کا نام فاطمہ رضی اللہ عنہا اسی لیے رکھا گیا ہے کہ اللہ تعالیٰ نے اسے اور اس سے محبت رکھنے والوں کو دوزخ سے جدا کردیا ہے۔ (مسند دیلمی) حضرت عائشہ صدیقہ رضی اللہ عنہا سے روایت ہے کہ حضور نبی کریم صلی اللہ علیہ وسلم نے فرمایا کہ میرے پاس عرب کے سردار کو بلائو میں نے عرض کیا یارسول اللہ صلی اللہ علیہ وسلم کیا آپ عرب کے سردار نہیں؟ آپ صلی اللہ علیہ وسلم نے فرمایا میں تمام اولاد آدم کا سردار ہوں اور علی رضی اللہ عنہ عرب کے سردار ہیں۔ (حاکم) حضرت عائشہ رضی اللہ عنہا سے روایت ہے کہ حضور نبی کریم صلی اللہ علیہ وسلم نے ارشادفرمایا حضرت علی رضی اللہ عنہ کا کرنا بھی عبادت ہے۔ (مسند دیلمی) پچھلا صفحہ