محترم حضرت حکیم صاحب السلام علیکم!میرے بھائی کافی عرصہ سے شاٹیکا کے دردمیں مبتلا تھے۔تکلیف کی وجہ سے ان کا برا حال تھا۔اس مرض سے نجات پانے کے لئے انہوں نے مختلف ڈاکٹروں سے معائنہ کروایا‘ادویات استعمال کیں‘ جس نے جو بتایا وہ کر کے دیکھ لیا مگر کوئی فرق نہ پڑا۔پین کلر ادویات کےاستعمال سے عارضی طور پر کچھ فرق محسوس ہوتا مگر جیسے ہی ادویات کا اثر ختم ہوتا تو وہ دوبارہ سے شاٹیکا کے مرض میں مبتلا ہو جاتے۔اس درد کی وجہ سے ان کا اٹھنا ‘ بیٹھنا محال ہو چکا تھا۔اس مرض کی وجہ سے وہ سخت پریشان تھے۔اکتوبر 2023ء عبقری کے شمارہ میں’’سوجوک طریقہ علاج‘‘ کے بارے میں پڑھا۔اتفاقاًاس ماہ سوجوک سلسلہ میں شاٹیکا کے مرض سے نجات کے لئے علاج لکھا ہوا تھا۔میں نے جب پوری تحریر پڑھی تو بہت دلچسپ مضمون معلوم ہوا۔بھائی کو بھی اس طریقہ علاج کے بارے میں بتایا۔وہ دن رات درد کی وجہ سے کراہ رہے تھے ‘ہر ممکن کوشش کرنے کے باوجود بھی آرام نہیںمل پارہا تھا اور نجات کا کوئی طریقہ ڈھونڈ رہے تھے۔رات سوتے وقت انہوں نے اس طریقہ علاج کو آزمایا‘ جب صبح نیند سے بیدار ہوئے تو حیرت انگیز طور پر انہیں کافی افاقہ محسو س ہوا۔انہوں نے مزید چاردن سوجوک طریقہ علاج کو اپنا یاجس سے ان کا درد بالکل ختم ہو گیا۔ہم سب حیران تھے کہ جہاں اتنی ادویات اور علاج ناکام ہو گئے وہاں عبقری میں شائع ہونے والی ایک تحریر کی وجہ سے بھائی کو شفاء مل گئی۔شاٹیکا سے نجات پانے کے لئے سوجوک طریقہ علاج دو مرحلوں پر مشتمل ہے جس کی ترکیب درج ذیل ہے۔
مٹر اور میتھی کے بیجوں کا کمال
شاٹیکا کے لیے سوجوک تھراپی کے پہلے مرحلے میں مخصوص حصوں پر مساج کرنا شامل ہے۔ اس صورت میں دونوں ہاتھوں کی ہتھیلی کی پشت پر تصویر میں موجود نمایاں حصوں پر کسی بھی تیل سے مساج کریں۔یہ حصےریڑھ کی ہڈی اور ٹانگوں کے پوائنٹس سے جڑے ہوئے۔
دوسرے مرحلے میں بیج کا استعمال کیا جاتا ہے،ہاتھ پر موجود "ریڑھ کی ہڈی کے حصے" (تصویر میں موجود نمایاں جگہ ) پر مٹر کے بیج سرجیکل ٹیپ سے چکپا دیں۔اسی طرح میتھی کے بیجوں کو ٹانگوں کے مخصوص پوائنٹس پر لگانے سے شفا یابی کے عمل میں مزید اضافہ ہوتا ہے۔مزید برآں اس عمل کا اطلاق درمیانی اور انگوٹھی والی انگلی کے اندر ہوتا ہے۔ ان پوائنٹس پر میتھی کے بیجوں کے مساج کا مقصد توانائی کے بہاؤ کو متحرک کرنا اور متاثرہ حصوں میں شفایابی کو فروغ دینا ہے۔ یہ بیج توانائی کے بہاؤ کو متحرک کرتے ہیں اور جسم کی قدرتی شفا یابی کے لئے مؤثر ہے۔مزید آسانی کے لئے ذیل میں ان پوائنٹس کی تصویر دی گئی ہے۔آپ اس طریقہ علاج کو رات سونے سے پہلے یا کم از کم جس وقت بھی سہولت ہو روزانہ دس سے پندرہ منٹ تک ضرور استعمال کریں۔