ایک دن مجھے اپنے رشتہ داروں کے ہاں جانا ہوا تو وہاں پر حال احوال کے بعد اہلیہ کی نانی کہنے لگیں کہ میرے بڑے بیٹے کے گھر میں بچہ پیدا ہونے والا ہےیعنی اس کی بیوی حاملہ ہے اور ڈاکٹر حضرات کہتے ہیں کہ اس کا بڑا آپریشن ہوگا۔ ہم غریب آدمی ہیں کیا کریںآپریشن میں ایک تو پیسے بڑے لگتے ہیں دوسرا بڑے پرہیز اور احتیاطیں ہوتی ہیں اور میرا بیٹا بھی اس وقت دوسرے شہر میں مزدوری کرنے گیا ہوا ہے۔ ہمیں مشورہ دیں ہم کیا کریں۔ میں نے انہیں کہا کہ آپ ایسا کریں ایک وظیفہ بتاتا ہوں‘اسے اپنا اوڑھنا بچھونا بنا لیں‘ان شاء اللہ آپریشن سے اللہ تعالیٰ آ پ کو بچالے گا۔ میں نے انہیں یَابَاسِطُ یَا فَتَّاحُکا وظیفہ بھی بتا دیا۔انہوں نے پڑھنا شروع کردیا ۔ چند دنوں کے بعد الٹراسائونڈ کرایا تو ڈاکٹر نے پھر بھی یہی کہا کہ بڑا آپریشن ہوگا۔ پھر وہ دوبارہ چل کر میرے پاس آگئےکہ مسئلہ حل تو نہیں ہوا۔
میں نے انہیں یقین دلایا کہ آپ توجہ اور دھیان سے یہ وظیفہ جاری رکھیں، ان شاء اللہ ، اللہ تعالیٰ بہتر کرے گا اور عافیت والا معاملہ فرمائے گا۔ انہوں نے پھر سے نئے عزم سے پڑھنا شروع کردیا مگر وہ بہت ڈرے ہوئے تھےکہ کہیں کوئی نقصان نہ ہوجائے کیونکہ ڈاکٹروں نےا نہیں خوب ڈرایا تھا۔ کچھ دنوں بعد جب خاتون کو درد زہ کی تکلیف شروع ہوئی تو انہیں پریشانی میں دائی کو گھر بلانا بھول گیا اور انہو ں نے کار والے کو فون کیا ، کار والا آگیا ۔ انہوں نے ڈاکٹر کے پاس جانے کا مکمل انتظام کرلیا۔ کار میں بیٹھ کر جارہے تھے ، مجھے فون کیا کہ درد برداشت نہیں ہو رہی‘ کوئی مسئلہ نہ ہو جائے اس لئے ہسپتال لے کر جار ہے ہیں تاکہ ڈاکٹر کے مشورہ کے مطابق آپریشن کے ذریعے ڈلیوری ہو جائے۔ میں نے کہا کہ آپ تسلی رکھیں اور یقین کے ساتھ وظیفہ پڑھتے رہیں‘ ان شاءاللہ کرم ہو گا مگر انہوں نے کہا کہ اگر نقصان ہو گیا تو لوگ کہیں گے کہ جب ڈاکٹروں نے کہا تھا بڑا آپریشن ہوگا تو یہ پیسے بچانے کی خاطر گھر بیٹھے رہے‘ اس لیےہم جارہے ہیں۔
اللہ تعالیٰ کی قدرت کا کرشمہ دیکھیں کہ جب حاملہ عورت کو کار سے اتارا گیا تو مشکل سے عورت اندر بیڈ پر پہنچی تو ڈلیوری کے ذریعہ بچہ پیدا ہوگیا‘ نہ ہی بڑے آپریشن کی ضرورت پڑی اور نہ ہی زیادہ تکلیف اٹھانا پڑی۔ بس پھر وہ اسی دن خوشی سے اپنے گھر کو واپس آگئے ‘میرا شکریہ ادا کیا۔ اب وہ بچہ ماشاء اللہ کھیل کود رہا ہے۔