نام نہاد عاملوں کی چھٹی‘گھر بیٹھے اپنا مقصد بالکل مفت حاصل کیجئے‘بندش کا سرتاج عمل خود کیجئے!نیا سلسلہ

محترم شیخ الوظائف صاحب السلام علیکم!میں ایک سرکاری نوکری کرتی ہوںجو کنٹریکٹ پر ہے۔اپنا کام ایمانداری سے اور محنت سے کر رہی ہوں ۔مگر وقت خوف رہتا ہے کہ نوکری سے نہ نکال دیا جائے۔میں چاہتی ہوں کہ جس عہدے پر کام کر رہی ہوں اور جو ترقی مل رہی ہے وہ نہ چھنے۔افسران کی ایسی باتوں پر بندش لگ جائے جن کے ذریعے ناحق وہ تنگ کرتے ہیں۔حاسدین جو شیطانی وار کریں ان واروں پر بندش لگا دیں۔(ث۔م‘راولپنڈی) جوابـ:آپ اپنے مسائل کا تصور کرتے ایک بار درود پاک پڑھتے ہوئےجائے نماز پر بیٹھ جائیں‘ سجدے والی جگہ پر دایاں ہاتھ رکھیں اور ایک مرتبہ یہ کلمات’’اَللّٰھُمَّ یَسِّرْلَنَا اُمُوْرَنَا‘‘ پڑھتے ہوئے دائیں ہاتھ کی سب سے چھوٹی انگلی بند کر لیں‘اسی طرح دوسری بار یہی کلمات پڑھیں اور ساتھ والی انگلی بند کریں پھر اسی درمیان والی انگلی ‘پھر ساتھ والی اور آخر میں یہ کلمات پڑھتے ہوئے انگوٹھا بند کردیں۔اپنے مسائل کا سخت تصور رکھیں اور پھر اسی ترتیب سے آمین کہتے ہوئے پہلے سب سے چھوٹی انگلی اور اسی ترتیب سے آمین کہتے باقی انگلیاں اور انگوٹھا کھول لیں۔یہ عمل دن میں ایک بار کسی بھی وقت اورکسی بھی حالت میں کرسکتے ہیں۔اس عمل کو مسلسل سات دن تک کریں۔پھر یہ پانچ چیزیں‘آٹا ‘چاول‘دال‘ گھی اور چینی حسب توفیق کسی مستحق کو ہدیہ کردیں۔آپ کو اجازت ہے۔ قارئین یہ انتہائی طاقتور‘باکمال عمل ہے جو کوئی بھی ایسے کسی مسئلہ کا شکار ہےاسےبھی اجازت ہے۔آپ پریشان یا کسی مسئلہ کا شکار ہیںجو یہاں نہیں لکھا جا سکتا تو آج ہی بمعہ جوابی لفافہ کے خط لکھئے‘اپنے مسئلہ کی تفصیل‘اپنا ‘اپنی والدہ کا نام‘ پیدائشی تاریخ مہینہ اور سال کے ساتھ لکھیں۔ قارئین! اس عمل کے عامل منہ مانگی رقم وصول کرتے ہیں مگر الحمدللہ!عبقری آپ کو مفت دے گا۔