پیپرز ہو رہے ہوتے ہیں تو میں پیپر شروع کرنے سے پہلے یہ عمل کرتا ہوں۔’’اول و آخر درود شریف اور سات مرتبہ سورہ الم نشرح۔‘‘ کا عمل کرنے سے انشا اللہ کامیابی حاصل ہو گی۔جب میری کوئی چیز گم ہو جائے اور نہ مل رہی ہو تو میں بکثرت  یَارَبِّ موسٰی یَا رَبِّ کَلِیْم بِسْمِ اللہِ الرَّحْمٰنِ الرَّحِیْمِ پڑھنا شروع کر دیتا ہوں تو وہ چیز جلد از جلد مل جاتی ہے۔میرا کوئی بھی کام اگر نہ ہو رہا ہو تو میں سورہ الم نشرح بکثرت پڑھتا ہوں تو میرا کام جلدی سے ختم ہو جاتا ہے اور میں تھکتا بھی نہیں۔امتحان میں جانے سے پہلے سورئہ الفتح پڑھ لیں تو بہت فائدہ ہوتا ہے یہ عمل میرا اور میری بہن کا  آزمودہ ہے۔ یَاعَلِیْمُ کسی بھی ٹیسٹ سے پہلے میں یہ اسم اکیس، چودہ یا سات بار پڑھتا ہوں تو میرے ٹیسٹ بہت اچھے ہو جاتے ہیں۔دعا ہے کہ اللہ تعالیٰ آپ کو مزید اچھائی پھیلانے کی  توفیق عطا فرمائے اور آپ کو ہمیشہ سلامت رکھے اور ہمیں فیض حاصل کرنے کی توفیق عطا فرمائے۔ آمین۔(سکندر احمد‘ لاہور)