Ubqari®

عالمی مرکز امن و روحانیت
اعلان!!! نئی پیکنگ نیا نام فارمولہ،تاثیر اور شفاءیابی وہی پرانی۔ -- اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

قارئین کے سوال اور قارئین کے جواب!

ماہنامہ عبقری - اگست 2021ء

قارئین!زیرنظر سلسلہ دراصل قارئین کے سوالات کیلئے ہے اور اس کا جواب بھی قارئین ہی دیں گے۔ آزمودہ ٹوٹکہ‘ تجربہ ‘ کوئی فارمولہ آپ صفحے کے ایک طرف ضرور تحریر کریں۔ یہ جوابات ہم رسالہ میں شائع کریں گے‘ کوشش کریں کہ آپ کے جوابات 20 تاریخ سے پہلے پہنچ جائیں۔

 جولائی کے جوابات

1۔آپ جب تہجد کے وقت اٹھتی ہیں تو بستر سے نیچے اترنے سے پہلے اٹھتے ساتھ ہی’’روحانی بیڈ ٹی کا عمل‘‘ کرلیا کریں‘ آپ کا ڈر خوف‘ پراسراریت سب ختم ہوجائیگی‘ عمل یہ ہے:۔بستر سے نیچے اترنے سے پہلے گیارہ مرتبہ اَعُوْذُ بِاللہِ مِنَ الشَّیْطٰنِ الرَّجِیْم۔بِسْمِ اللہِ الرَّحْمٰنِ الرَّحِیْمِ۔ لَاحَوْلَ وَلَا قُوَّۃَ اِلَّا بِاللّٰہِ الْعَلِیِّ الْعَظِیْمِ
پڑھ لیا کریں۔(کاشف عمران‘ راولپنڈی)
2۔آپ عبقری دواخانہ کی ’’ٹھنڈی مراد‘ ‘ اور ’’عینک توڑ ڈراپر‘‘ صرف چند دن استعمال کرلیجئے‘ آپ کی آنکھوں سے خون بھی صاف ہوجائے گا اور آپ کی طبیعت بھی تازہ دم ہوجائے گی۔(فریحہ قاسم‘ لاہور)
3۔جن احباب کو پرانی الرجی ہے‘ ناک سے ہروقت پانی بہتا ہے‘ نزلہ‘ زکام رہتا ہے ان کیلئے درج ذیل ٹوٹکے بارہا کے آزمودہ ہیں‘ ضرور آزمائیے:۔ چندقطرے روغن زیتون سوتے وقت ناک کے دونوں نتھنوں میں ڈالیں اور زور سے اوپر کھینچے۔ چند روز ایسا کرنے سے بہت فائدہ ہوگا۔ پرانی الرجی کیلئے اطریفل اسطخدوس کسی اچھے دواخانے کی بنی ہوئی ایک چمچہ چھوٹا ایک گرم پانی کے کپ میں گھول لیں اور تھوڑا تھوڑا کرکے پی لیں۔ دن میں تین بار یا کم از کم 2بار صبح و شام استعمال کریں۔ انشا ء اللہ تعالیٰ پرانی الرجی اور پرانے نزلے کا اکسیری علاج ہے۔ ہوالشافی: پودینہ، خشک اجوائن دیسی، دونوں ہم وزن کوٹ کر سفوف تیار کریں اور آدھا چمچ دن میں تین بار پانی یا چائے کے ہمراہ استعمال کریں۔ کچھ عرصہ کے استعمال سے انشاء اللہ مرض بالکل ختم ہو جائے گا۔ ا(نذیر حسین‘ڈیرہ غازی خان)
4۔فالج کے مریض یہ پانی استعمال کریں‘ میرے شوہر کو فالج ہوا تھا‘ اسی پانی ‘ حاجت کے نوافل اور علاج سے بہت جلد ٹھیک ہوگئے۔بارش کے پانی پر 70دفعہ آیت الکرسی، 70دفعہ سورئہ فاتحہ، 70دفعہ سورئہ الاخلاص، 70دفعہ سورئہ الفلق، 70دفعہ سورئہ الناس پڑھ کر دم کریں اور یہی پانی پلائیں۔پانی کم نہ ہونے دیں‘ بڑھاتے جائیں۔(سویرا‘ لاہور)
5۔پٹھوں کے درد کیلئے عبقری دواخانہ کا تیار کردہ معجون شفاء یابی اور قوتی گولیاں کچھ عرصہ مستقل مزاجی سے استعمال کریں‘ میرے دادا ابو کی آزمودہ ہیں۔ (اہلیہ منیر‘ کراچی)

اگست کے سوالات

1)قارئین! السلام علیکم! میری عمر 56 سال ہے میرا ایک مسئلہ ہے کہ میرے بائیں بازو میں درد رہتا ہے کبھی ٹانگ میں بھی درد شروع ہو جاتا ہے‘ ڈاکٹروں سے بھی علاج کروایا پر کوئی فرق نہیں پڑا ۔ اس کے علاوہ میری بیوی شوگر کی مریضہ ہے‘ کندھوں میں تکلیف اور ہڈیوں میں ہر وقت درد رہتا ہے۔(ف۔ شجاع آباد)
(2)قارئین! السلام علیکم!میں سولہ سال سے ایک لاعلاج بیماری میں مبتلا ہوں ۔ میرے ناک کےدو آپریشن ہوچکے ہیں ڈاکٹر کہتے ہیں ناک کی ہڈی بڑھ گئی ہے۔ آپریشن کے باوجود میری ناک کی ایک سائیڈ بند رہتی ہے اور میرے سر میں بہت شدید درد رہتا ہے بہت علاج کرواچکا ہوں لیکن بیماری پیچھا نہیں چھوڑ رہی۔(آفاق محمود، جہلم)
(3)چھوٹے بھائی کو تقریباً پچھلے دس سال سے جلد کی الرجی ہے جس سے چہرے کی رنگت کالی سیاہ ہوگئی ہے جسم پر خارش ہوتی رہتی ہے اور جسم پر سفید دھاریاں بن چکی ہیں۔ (محمد صفدر، واہ کینٹ)
(4)میرے سسر کی یادداشت تقریباً ختم ہوگئی ہے کسی کو پہچانتے نہیں ہیں ان کی عمر 80 سال ہے ادویات کا بھی استعمال کروایا ہے لیکن ادویات بھی اثر نہیں کررہی کوئی نسخہ یا ٹوٹکہ ہو تو لازمی بتائیں۔ (محمد اسلم ، لاہور)
(5)میری بیٹی بہت بیمار ہے ایک سال ہوگیا ہے اس کو بخار تھا‘ بعدمیں سردرداور چکر آتے تھے پھر کمرمیں درد ہونے لگی بہت علاج کروایا لیکن کوئی فرق نہیں پڑا اب اس کو قے آتی ہے جو کچھ کھاتی نکال دیتی ہےاس کے لیے کسی کے پاس کوئی ٹوٹکہ یا نسخہ ہوتو ضرور بتائیے ۔ (افتخار جٹ، لاہور)

Ubqari Magazine Rated 3.7 / 5 based on 949 reviews.