ماہنامہ عبقری - اکتوبر 2009ء

ورزش بڑھاپا ٹال دیتی ہے بڑھاپا ایک اٹل حقیقت ہے لیکن باقاعدہ ورزش سے اسے کچھ عرصے کیلئے ٹالا جا سکتا ہے۔ ٹیکساس یونیورسٹی میں امریکی سائنس دانوں کی تازہ تحقیق کے مطابق پیدل چلنے ‘ وزن اٹھانے( ویٹ لفٹنگ) اور ایسی ورزش کرنے سے جس سے جسم کے اعضاءمیں لچک پیدا ہو‘ وہ بوڑھے افراد کو اس معذوری سے بچا سکتی ہے جو بڑھاپے میں لاحق ہوتی ہے۔ تحقیق کے مطابق ورزش سے بوڑھوں میں جوانوں والے گن پیدا ہو سکتے ہیں اور وہ اپنی اصل عمر سے کہیں کم نظر آسکتے ہیں۔ ہیپا ٹائٹس وائرس کا آخری جزو میڈیکل سائنس کے ایک اطالوی ماہر نے دعویٰ کیا ہے کہ انہوں نے ہیپا ٹائٹس کے مریض میںموجود وائرس کا آخری جزو تلاش کرلیا ہے اور اب پورے وائرس کی تلاش مشکل نہیں رہی۔ کئی سال میڈیکل سائنس دان ہیپا ٹائٹس کے وائرس کے اس حصے کو تلاش نہیں کر سکے تھے۔ جگر کی بیماری اور ہیپاٹائٹس اے سے سی تک میں مبتلا مریضوں کے خون میں وائرس پیدا ہونے والے بنیادی سارے جزو تلاش نہیں کر سکے تھے اور اب یہ بھی کہا جا سکتا ہے کہ ایڈز کے مریض کے خون کے ایسے اجزاءدریافت کئے جا سکتے ہیں جو ابھی تک نامساعد تھے اور اس سے ایڈز کا علاج بھی ممکن ہو سکے گا۔ اطالوی میڈیکل سائنس دان ڈاکٹر رینٹینل پرائم امریکہ کے شہر ڈایا سورت میں واقع بائیو ٹیکنالوجی کمپنی کی ریسرچ لیبارٹری میں کام کرتے ہیں۔ ڈپریشن کا علاج: مچھلی سائنس دانوں نے شدید ڈپریشن کا علاج تلاش کر لیا ہے۔ ڈاکٹر اینڈریو برنگھم اور ویمن ہسپتال بوسٹن میں چار ماہ کی تحقیق کے بعد اس نتیجے پر پہنچے کہ ایسی ڈپریشن جس میں جنونی کیفیت ہو جاتی ہے اگر مچھلی زیادہ مقدار میں کھائی جائے تو ڈپریشن دور ہو جاتا ہے۔ تحقیق کے مطابق مچھلی میں خاص قسم کی چکنائی‘ تیل اور ایسڈ ہوتا ہے جس سے ڈپریشن دور ہو جاتا ہے۔ مچھلی کا تیل اور امراض قلب اٹلی کے ڈاکٹر رابر ٹو مار شیولی نے اپنی ایک تحقیق میں کہا ہے کہ مچھلی کا تیل دل کی بیماریوں کیلئے مفید ہے۔ انہوں نے کہا کہ مچھلی کے تیل میں ایک ایسا ایسڈ پایا جاتا ہے جو جسم میں کولیسٹرول کی مقدار کم کرتا ہے اور شرح اموات گھٹاتا ہے۔ انہوں نے اٹلی کے امراض قلب میں مبتلا گیارہ ہزار تین سو چوبیس افراد پر تحقیق کی جو مچھلی یا مچھلی کے تیل کے استعمال سے صحت یاب ہوئے۔ مچھلی کے تیل میں وٹامن ای وافر مقدار میں پایا جاتا ہے ۔ یہ دل کی سوزش کا بھی خاتمہ کرتا ہے۔ عبادت گزار لمبی عمر پاتے ہیں انگلستان میں2005ءمیں 28 ہزار افراد کے سروے سے نتیجہ اخذ کیا گیا ہے کہ جو لوگ ہمیشہ کی زندگی پانے کی امید سے عبادت گاہوں میں جاتے ہیں وہ دنیا میں مزید چند سال جی سکتے ہیں۔ بعد ازاں آنے والے سالوں میں مرنے والے دو ہزار افراد کا مطالعہ کرنے پر معلوم ہوا ہے کہ ہفتہ میں ایک دفعہ عبادت گاہ جانے والا بیس سالہ نوجوان اوسطاً 82 برس عمر پاتا ہے۔ اس کے برعکس عبادت میں حصہ نہ لینے والے ہم عمر 75 برس جیتے ہیں۔ سیاہ فام عبادت گزاروں میں یہ عرصہ چودہ برس طویل ہو سکتا ہے۔ اس مطالعہ کے ایک محقق نے کہا کہ عبادت گاہوں میں جانے والوں کے دوست ہوتے ہیں وہ میل ملاقات سے دنیا میں اپنی اہمیت محسوس کرتے ہیں۔ مچھر کے لئے پر کشش افراد جدید تحقیق کے مطابق مچھر ہر انسان کو کاٹنا پسند نہیں کرتا اور کوئی خاص کشش ہی ہوتی ہے جو کسی انسان کے جسم کو کاٹنے کی ترغیب اس میں پیدا کرتی ہے۔ فلوریڈا یونیورسٹی کے دو ماہرین نے اس بارے میں جو تحقیق کی ہے اس کے مطابق بعض انسانوں کے جسم کا پسینہ مچھر کو پر کشش لگتا ہے۔ اس کے علاوہ مچھر کسی ایسے انسان کو کاٹ کر اس کا خون چوستا ہے جس سے انڈے دینے میں آسانی ہو۔ تاہم ابھی تک ماہرین یہ طے نہیں کر سکے کہ مچھر کیلئے پر کشش کون سی خوشبو یا کس شخص کا پسینہ یا خون ہوتا ہے۔ پچھلا صفحہ