خواب دیکھا کہ ہم کسی دوسرے شہرکسی کے گھر مہمان بن کرگئے ہیں اتنے میں ایک لڑکا آتا ہے جس نے کریم کلر کی بہت پرانی شیروانی یعنی شادی کا سوٹ پہنا ہوتا ہے اس کو دیکھ کر میں کہتی ہوں یہ تو (ع) ہے اور کتنا کمزور ہوگیا۔ میں اپنے چہرے کے آگے کوئی اخبار یا کوئی چیز رکھ دیتی ہوں کہ اس کو نظر نہ آئوں۔ جب وہ چلے جاتے ہیں تو میں ان کے ملازم سے تصدیق کرتی ہوں کہ یہ (ع) ہی ہے اور کیا اس نے شادی کرلی ہے؟ اس سے اور بھی بات کرنی چاہتی ہوں مگر اتنے میں ان کے دو چھوٹے بھائی اور ایک بڑا بھائی آتے ہیں، میں ان کے بڑے بھائی سے کہتی ہوں کہ (ع) سے کہنا جو مہمان گھر میں ٹھہرے ہیں وہ تمہارے جاننے والے ہیں اور کسی کو دھوکا دینا کتنا برا ہوتا ہے ۔ یہ کہہ کر میں آجاتی ہوں اور اپنی بہنوں سے کہتی ہوں کہ دعا کرو کہ ہماری بہن کے لئے اس سے بھی زیادہ اچھا رشتہ آئے ۔ پھر میری آنکھ کھل جاتی ہے۔ (ج، راولپنڈی)
آپ کے خواب کے مطابق اس بات کا اشارہ ہے کہ اہم کاموں کے پورا ہونے میں ابھی کچھ وقت لگے گا۔ آپ ہر نماز کے بعد 21 مرتبہ یَابَدِیْعُ پڑھ کر دعا کرلیا کریں۔