اللہ رب العزت نے انسان کو اپنی بہترین تخلیق کہا ہے اور پھر اس کی ہر طرح کی ضرورت خواہ روحانی ہو یا جسمانی، کیلئے فطری طریقے سے رہنمائی فرمائی ہے۔ جس دور میں بھی انسان نے ان طریقوں سے استفادہ کیا تو شفاء پائی۔ مادیت کے موجودہ دور میں کہ جب انسان نے ان طریقوں اور ہدایات کو پس پشت ڈال کر سائنس کی تحقیقات پر بھروسہ کیا تو قسم قسم کی خرابیوں اور بیماریوں نے اس کی زندگی میں ڈیرہ ڈال لیا ہے۔
’ام الامراض ‘ یعنی قبض بھی ان بیماریوں میں سے ایک ہے جو مادیت کے دور کا تحفہ ہے۔ بظاہر یہ بیماری معمولی سمجھی جاتی ہے لیکن اطباء نے اسے تمام بیماریوں کی جڑ کہا ہے۔
قبض کب، کیوں اور کیسے ہوتی ہے اور اس کے اثرات کیا ہیں؟
یہ ہمارے جسم میں کن کن خرابیوں کے پیدا ہونے کا ذریعہ بنتی ہے؟ اور اس سے نجات فطری طریقوں سے کیسے ممکن ہے کہ جس سے کسی بھی طرح کے سائیڈ ایفیکٹ نہ ہوں۔
کوشش کی گئی ہے کہ اس کتاب میں ان سب باتوں کا مفصل اور شافی جواب دیا جائے تاکہ قدرتی ذرائع سے بغیر کسی سائیڈ ایفیکٹ کے اس کا علاج عوام الناس کر سکیں۔
امید ہے زیر نظر کتاب آپ کی صحت اور شفا کا ذریعہ بنے گی اور مؤلف بھی آپ کی دعائوں میں سے حصہ پائے گا۔