مندرجہ ذیل اعمال بزرگان دین اور صالحین کے آزمودہ اور منقول شدہ ہیں جن کے شائع کرنے کا مقصد مخلوق خدا کو غیرشرعی اعمال کے بجائے تسبیح ‘ مصلے کے ساتھ نوافل و تسبیحات کے ذریعہ جوڑنا ہے۔

اللہ والوں کا معمول! چاند دیکھ کر یہ سورۂ پڑھیں!
(۱)رمضان المبارک کا مبارک چاند دیکھ کر سورئہ محمد پڑھنا۔ بادشاہ یا تلوار یا باغ سبزہ زار ورنہ اپنے عیال واطفال پر للہ الحمد کہہ کر نظر ڈالنا مبارک ہے۔(۲)اللہ والوں کا معمول رہا ہے کہ وہ ماہ صیام کا چاند مبارک دیکھتے ہی سورۃ فتح پڑھتے ہیں۔ تمام سال فراخدلی سے لنگر چلاتے ہیں۔ اگر اتنی ہمت نہ ہوتو عبادت و ریاضت اور ہمدردی خدمت خلق میں ہی کماحقہ توجہ کامل کرنی چاہیے۔ صیام و تلاوت و قیام میں پوری طرح مشغول ہو جانا چاہیے۔(۳)رمضان المبارک کی ہر شب اَللّٰھُمَّ اِنَّکَ عَفُوٌّ تُحِبُّ الْعَفْوَ فَاعْفُ عَنِّیْ یَاغَفُوْرُ بہت کثرت سے پڑھنا چاہیے۔ خداوند کریم گناہوں سے معصوم و پاک رکھے گا۔(۴)ہر رات کو آسمان دیکھتے ہوئے یَا وَاسِعَ الْمَغْفِرَۃِ۔ رَبَّنَا مَا خَلَقْتَ ھٰذَا بَاطِلًا۔ سُبْحٰنَکَ فَقِنَا عَذَابَ النَّارِ پڑھنا چاہیے۔
فتوحات و برکات کے دروازے کھلوائیے
رمضان کے چاند کو دیکھ کر پڑھیں یَاربِّ اِسْرَافِیْلُ یَارَبِّ مِیْکَائِیْل یَاسَتَّارُ یَاغَفَّارُ اپنا مطلب دل میں رکھ کر 7 بار ورد کریں۔ بعد دعا کریں۔ سات دن تک ناغہ نہ کریں۔ چاروں سمت سے دریائے فتوحات و برکات کھل جائیں گے۔ اگر اس کے بعد ہمیشہ ہر ماہ چاند کے پہلے 7 دنوں میں ایسا عمل کیا جائے تو دوسرے رمضان چاند تک چلہ پورا ہو جاتا ہے۔ اس کی برکت سے خدا غنی کرتا ہے۔ دولت بے حد بخشتا ہے۔ اگر امورِ شرعی میں حق حقوق میں پابندی رکھے تو لنگر جاری کرے۔
جو پڑھے اسےمدفون خزانے نظر آئیں گے
اوّل روزے سے ساتویں روزے تک، پابندی نماز پنجگانہ باجماعت پر مستعد ہوکر (باپرہیز) بعدنماز کے بعدکسی سے بات کیے بغیر اسمائے حسنیٰ یَا ھَادِیُ یَا خَبِیْرُ یَامَتِیْنُ یَاعَلَّامُ الْغَیُّوْبَ ہزار مرتبہ پڑھ کر سجدہ میں جاکر اَلَا یَعْلَمُ مَنْ خَلَقَ وَھُوَ اللَّطِیْفُ الْخَبِیْرُتین بار پڑھ لے۔ پس اس شخص پر آسمان و زمین کے خزانے باذن اللہ تعالیٰ کھل جائیں گے اور سائلین کے دلوں کے بھید بلا سوال بتلانے پر قادر ہوگا اور اگر تمام ماہ مکمل صیام قیام سے یعنی تین ہفتے ریاضت پوری کرے تو زمین و آسمان کے ملک منکشف ہو جائیں گے۔ بہت دور دور کی خبریں گو یا قلب پر وائرلیس کی مانند آئیں گی۔

ترقی رزق و برکت کے لیے

ماہ رمضان کے چودھویں روز اس نقش کو لکھنا ہے۔ اگر جمعرات یا جمعہ ہو جائے تو طلائی پر یہ نقش کندہ کرکے انگوٹھی میں محفوظ رکھے۔ رزق و روزی بے اندازہ برکت و ترقی ہو اور جملہ بلیات و مصائب سے محفوظ رہے۔ اس سے عمل استخارہ میں بڑی مدد ملتی ہے۔ یہ نقش خزانہ ربی کی کلید ہے۔ دست غیب کی قوی اُمید ہے۔
اوّل شب جمعہ، زیارتِ مصطفیٰﷺ کیلئے
شب جمعہ اوّل ماہ رمضان المبارک، بعد غسل و لباس طاہرہ، بعد نماز عشاء 12 رکعت نفل ادا کرے۔ ہر رکعت میں سورۃ اخلاص و سورۃ کوثر ہو۔ بعد سورۃ مزمل شریف پڑھے اوردرود شریف جو یاد ہو ایک ہزار مرتبہ پڑھ کر پاک بستر پر سو جائے تو جمال پاک مصطفویﷺ کی زیارت سے شرف ہو۔
عزت‘ آبرو‘ عہدہ میں ترقی‘ کمال میں خیرو برکت
ایام بیض ماہ رمضان شریف: دعائے مجیر اگر ماہ رمضان المبارک 13،14،15تاریخ میں پڑھ لے تو جملہ گناہوں کی معافی، جمیع آفات سے تحفظ، قرضہ سے نجات، بیماری سے شفا، قیدی کی رہائی ہو، حکام میں عزت و آبرو، عہدہ میں ترقی، کمائی میں خیر و برکت ہو۔ تمام غم و اندوہ اور دشمنوں ظالموں، جابروں سے مخلصی ہو جاتی ہے۔سُبْحَانَکَ یَا اَللہُ تَعَالَیْتَ یَارَحْمٰنُ اَجِرْنَا مِنَ النَّارِ یَامَجِیْرُ سُبْحَانَکَ یَارَحِیْمُ تَعَالَیْتَ یَا کَرِیْمُ اَجِرْنَا مِنَ النَّارِ یَامَجِیْرُ ۔ ہر نماز کے بعد جتنا ورد کرسکتے ہو، کرو۔
اگر کوئی شخص ماہ رمضان کی تیرہ‘ چودہ‘ پندرہ تاریخ کو مندرجہ ذیل عمل ہر نماز کے بعد پڑھے اور بہت زیادہ پڑھے تو ان تین یوم کی بار ہا ریاضت اسے بہت سے اعمال سے بے نیاز کردےگی۔ اس کے پڑھنے سے گناہوں کی معافی‘ جمیع آفات سے تحفظ‘ قرضہ سے نجات‘ بیماری سے شفاء‘ قید سے رہائی‘ حکام میں عزت و آبرو‘ سروس میں ترقی‘ کمائی میں  خیروبرکت‘ حاسدوںاور ظالموں سے نجات ہے۔
سُبْحَانَکَ یَا اَللہُ تَعَالَیْتَ یَارَحْمٰنُ اَجِرْنَا مِنَ النَّارِ یَامَجِیْرُ سُبْحَانَ