ماہنامہ عبقری - جولائی 2009ء

امام جب تلاوت کرتا ہے اور مقتدی دھیان اور توجہ کے ساتھ سنتے ہیں اور اس پڑھنے اور سننے کے عمل کے دوران خاص قسم کی لہریں (Rays) پیدا ہوتی ہیں اور یہ لہریں دونوں کے درمیان انوارات منتقل کرتی ہیں۔ اگر ان میں امام کی برقی قوت (Potential Power) تیز اور زیادہ ہوتی ہے تو وہ مقتدیوں میں منتقل ہوتی ہے اور اگر برقی قوت مقتدیوں کی زیادہ قوی ہوتی ہے تو امام میں منتقل ہوتی ہے۔ ماہر روحانیات لیڈبیٹر لکھتا ہے کہ ”ہر لفظ ایک یونٹ ہے اس سے ایک تیز روشنی نکلتی ہے جو مثبت (Positive) اور منفی (Nagative) ہوتی ہے۔ قرآن سے نکلا ہوا لفظ مثبت ہوتا ہے اور مقتدیوں پر جب یہ مثبت اثرات (لہریں) پڑیں گے تو ان کے اندر بے شمار امراض ختم ہونگے۔ (بحوالہ ”من کی دنیا“ ڈاکٹر غلام جیلانی برق) خون کے سرخ ذرات پرتحقیق کے مطابق غیر مرئی اثرات سے بلڈ کینسر کے اثرات بڑھ جاتے ہیں اور نماز میں تلاو ت کی لہریں اس مرض سے بہت محفوظ رکھتی ہیں۔ نفسیاتی امراض فی زمانہ انسان کیلئے وبال جان ہیں اور ان سے بچاﺅ صرف اور صرف یہی ہے کہ ایسی لہروںکو اپنے اندر منتقل کیا جائے۔ ڈیپریشن : بے چینی جیسے امراض نماز سے ختم ہو جاتے ہیں اور اگر دھیان اور خشوع وخضوع زیادہ ہو تو ان امراض کا بالکل خاتمہ ہو جاتا ہے حتیٰ کہ خودکشی کے رجحان ذہنی سطح سے کم ہو کر دھل جاتے ہیں۔ پچھلا صفحہ