کلونجی یرقان کے مریضوں کے لئے سُود مند چیز ہے ۔ اگر 250 ملی لیٹر پانی میں 25 گرام مہندی کے پتے اور 25 دانے کلونجی کے رات کو بھگو دیں صبح کو مل چھان کر حاصل شدہ مرکب میں ایک چمچ خالص شہد اور آدھا چمچ کلونجی کا تیل ملا کر مریض کو پلائیں ۔

کلونجی کے بارے میں ارشاد نبوی ﷺ ’’ ایک ایسا دانہ کلونجی ہے جس میں موت کے سوا ہر بیماری کے لئے شفا ء ہے۔ ‘‘کلونجی ایک کم قیمت لیکن بیش بہا چیز ہے ۔ شاید ہی کوئی ایسا گھر ہو جس میں کلونجی استعمال نہ ہوتی ہو عام طور پر یہ اچاروں میں زیادہ استعمال ہوتی ہے کلونجی کے بیج ‘ تیل ‘ ٹہنیاں ‘ فرمان مصطفیٰ ﷺ کے مطابق ہر مرض کی دوا ہیں۔ کلونجی یرقان کے مریضوں کے لئے سُود مند چیز ہے ۔ اگر 250 ملی لیٹر پانی میں 25 گرام مہندی کے پتے اور 25 دانے کلونجی کے رات کو بھگو دیں صبح کو مل چھان کر حاصل شدہ مرکب میں ایک چمچ خالص شہد اور آدھا چمچ کلونجی کا تیل ملا کر مریض کو پلائیں ۔ علاج پندرہ یوم جاری رکھیں انشا ء اللہ پھر زندگی بھر یرقان نہیں ہو گا ۔اس کے علاوہ بواسیر خواہ خونی ہو یا بادی اس کے لئے مہندی 50 گرام کو ایک پائو زیتون کے تیل میں ملا کر پانچ منٹ کے لئے اُبال لیں صبح اور رات کو سونے سے قبل 4 سے 5 قطرے خالص کلونجی کے تیل کے ملا کر روئی کی مدد سے بواسیری مسوں پر لگائیں اور ہر صبح بھیگے ہوئے پانچ دانے انجیر 12 قطرے کلونجی کے تیل کے ساتھ کھائیں انشا ء اللہ کچھ دنوں میں مسئلہ حل ہو جائے گا ۔
کلونجی کے بیج اور کلونجی آئل ایک ایسا تیل ہے جس میں ایسے اجزا ء پائے جاتے ہیں جو حقیقی معنوں اسے ایک با کمال دوا بنا دیتے ہیں جیسا کہ رال دار مادے کاروٹین ‘ نلیلین ‘ ٹے نین ‘ سی پونین ‘ نامیاتی تیزاب اور گلوکوز وغیرہ ۔اب محترم قارئین کی خدمت میں کچھ امراض بیان کرتا چلوں جن کلونجی بطور تیل کے مفید و کارگر ہے ان امراض میں کھانسی ‘ نزلہ ‘ دمہ ‘ مرگی ‘ رعشہ ‘ فالج ‘ قولنج ‘ ضعف اعصاب ‘ پیٹ کے درد ‘ سر کا آدھا درد ‘ نسیان ‘ نفخع شکم اور خواتین کی عوارض چند ایک مثالیں ہیں۔ اب ذیل میں کچھ امراض اور کلونجی کے تیل کا تفصیلا ً استعمال درج کرتا ہوں ۔1 ۔ گرتے اور کمزور بال:کلونجی کا تیل سر پر لگائیں نہ صرف گرتے بالوں کو روکتا ہے بلکہ انہیں مضبوط ‘ سیاہ اور چمکدار بھی بناتا ہے ۔2 ۔ گنج اور بالخورہ:اس میں سرکہ اور ادرک کا پانی ہم وزن ملا کر متاثرہ جگہ پر لگائیں اور رات سونے سے پہلے کلونجی کے بیج پیس کر کلونجی کے تیل میں ملا دیں یہ ایک گاڑھا لیپ بن جائے گا اب متاثرہ جگہ پر لگائیں ۔3 ۔ معدہ کی اصلاح کے لئے:ایک گرام نمک ‘ 10 قطرے کلونجی کا تیل آدھے کپ نیم گرم دودھ میں ملا کر پئیں۔ 4۔ دمہ:ناشتے سے پہلے اور سوتے وقت نیم گرم دودھ میں آدھا چمچ کلونجی کا تیل ملا کر پئیں اور بھاپ کے لئے اُبلتے پانی میں ایک کھانے کا چمچ کلونجی کا تیل ملا کر دن میں دو مرتبہ اس کی بھاپ لیں ‘ سینے اور گلے پر نیم گرم تیل کی 3 سے 4 بار مالش کریں ۔5 ۔ کینسر:گاجر کے تازہ جوس میں آدھا چمچ کلونجی کا تیل ملا کر دن میں دو مرتبہ پئیں اور یہ علاج تین ماہ تک جاری رکھیں۔6۔دماغی امراض و اعصابی کمزوری: دماغی و اعصابی تنائو ‘ جسمانی و اعصابی کمزوری میں 7 قطرے تیل کے خالص شہد میں ملا کر لیں ۔7 ۔ قوت باہ کے لئے:کلونجی کا تیل 7 قطرے شہد یا شربت کے ساتھ پئیں ۔8 ۔ مرگی:کلونجی کے تیل کا ایک قطرہ دائیں نتھنے میں اور ایک قطرہ بائیں نتھنے میں ڈالیں اور دس قطرے کلونجی کا تیل دو چمچ شہد کے ساتھ استعمال کریں ۔9 ۔ شوگر:کلونجی کے بیج 12 گرام ‘ کاسنی کے بیج 6 گرام ‘ میتھی کے بیج 6 گرام ہر ایک کو پیس لیں اب اس سفوف میں سے 3 گرام صبح اور 3 گرام شام کو 5 قطرے کلونجی تیل کے ہمراہ استعمال کریں جبکہ ہر تیسرے دن ایک کپ کریلے کا پانی پئیں ۔10 ۔ جنسی کمزوری:کلونجی ‘ قسط شیریں اور حب الرشاد ان تین کے بیج 25 ‘ 25 گرام لیں اور گرائنڈ کر کے سفوف بنا لیں رات کے وقت 6 گرام سفوف میں دو قطرے کلونجی کا تیل شامل کریں اور ایک بڑا چمچ خالص شہد ایک گلاس دودھ میں ملا کر پی لیں ۔