گمشدہ کی تلاش
محترم حضرت حکیم صاحب السلام علیکم! مجھے ایک بہت ہی مجرب وظیفہ کا علم ہے جو میں عبقری قارئین کیلئے بھیج رہی ہوں۔میری جب بھی کوئی چیز گم ہوجاتی ہے یا میں کہیں رکھ دوں تو یاد نہ رہے۔ بے شک چھوٹی ہو یا بڑی‘ رقم ہو یا زیور‘ مجھے ڈھونڈنے میں اللہ کا شکر ہے کبھی دشواری نہیں ہوئی۔
میں بس فوراً اِنَّا لِلہِ وَاِنَّااِلَیْہِ رَاجِعُوْنَ صرف تین بارپڑھ لیتی ہوں۔ذرا دیر ہوجائے تو دل میں پڑھتی رہتی ہوں ساتھ ڈھونڈتی رہتی ہوں یا اگر پیسے یا کوئی چیز کسی کو دی ہے اور یاد نہیں یا کوئی بات یاد نہیں تو یہ پڑھنے سے یاد آجاتی ہے۔ یہ میرا بہت آزمایا ہوا وظیفہ ہے اور جس کسی کو بتایا ضرور فائدہ ہوا ہے۔قارئین! آپ بھی آزمائیں اور دعاؤں میں ضرور یادرکھیں۔ ( ناہید‘ اٹک)