محترم حکیم صاحب السلام علیکم! آپ کے رسالہ کی میں کیا تعریف کروں میرے پاس تو ایسے الفاظ ہی نہیں ہیں کہ میں اس رسالے کی تعریف میں لکھ سکوں۔ میں نے اپنی زندگی میں آج تک ایسا رسالہ نہیں دیکھا…میری بہت سی پریشانیاں صرف اس رسالے میں دئیے ہوئے وظائف سے حل ہوئیں اور خاص کر علامہ لاہوتی صاحب کے یَاقَہَّارُ والا وظیفہ پڑھنے سے میری بہت سی پریشانیاں دور ہوئیں اور میری بیٹی اپنے گھر کی ہوئی اور اپنے گھر الحمدللہ اب بہت خوش ہے۔ یہ کرم صرف یَاقَہَّارُ کے عمل کی وجہ سے ہی ہوا ہے ورنہ پہلے تو میں بہت پریشان تھی لیکن جب سے یَاقَہَّارُ کا عمل پڑھنا شروع کیا اللہ نے غیب سے ایسے سامان پیدا کیے کہ میں اب تک حیران ہوں کہ میری بیٹی کی شادی اتنی جلدی اور اتنی اچھی جگہ کیسے ہوگئی اس کے سسرال والے اس کی بہت عزت کرتے ہیں۔ اب تو میری بیٹی سسرال میں جاکر بھی یَاقَہَّارُ کا عمل باقاعدگی ے پڑھتی ہے۔ یَاقَہَّارُ کا وہ عمل جو میری بیٹی پڑھتی رہی درج ذیل ہے:
یَاقَہَّارُ ہر نماز کے بعد ایک سو اکیس دفعہ اول و آخر درود شریف تین مرتبہ لازمی پڑھنا ہے۔(ص،چ)