اس ماہ کی روحانی محفل11اگست بروز ہفتہ سہ پہر3بجکر5منٹ سے4بجکر23 منٹ تک‘23 اگست بروز جمعرات عصر تا مغرب‘ 28 اگست بروز منگل رات7 بجے سے8بجکر21 منٹ تک بِسْمِ اللہِ الرَّحْمٰنِ الرَّحِیْمِ یَاسَلَامُ پڑھیں۔ یہ ذکر، بھکا ری بن کر ، خلوص دل ، درددل ، توجہ اور اس یقین کے ساتھ کہ میرارب میری فریا د سن رہا ہے اور سو فی صد قبول کر رہا ہے۔ پانی کا گلاس سامنے رکھیں ا و ر اس تصو ر کیساتھ پڑھیں کہ آسمان سے ہلکی پیلی روشنی آپکے دل پر ہلکی بارش کی طر ح برس رہی ہے اور دل کو سکون چین نصیب ہورہا ہے اور مشکلات فوری حل ہورہی ہیں۔ وقت پورا ہونے کے بعد دل و جان سے پوری امت، عالم اسلام اور غیرمسلموں کے ایمان کیلئے پوری دنیا میں امن کی دعا‘ اپنے لیے اور اپنے عزیز و اقارب کیلئے دعا کریں۔ پورے یقین کے ساتھ دعا کریں۔ ہر جائز دعا قبول کرنا اللہ تعالیٰ کے ذمے ہے۔ دعا کے بعد پانی پر تین بار دم کر کے پانی خود پئیں۔ گھروالوں کو بھی پلا سکتے ہیں۔ انشاء اللہ آپکی تمام جائز مرادیں ضرور پوری ہونگی۔
 ہر محفل کے بعد 11روپے صدقہ ضرور کریں
( نوٹ :)1-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔  اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔
 ( ایڈیٹر :۔حکیم محمد طارق محمود عفااللہ عنہ)
محترم حکیم صاحب السلام علیکم!میں ماہنامہ عبقری کی تقریباً آٹھ ماہ سے مسلسل قاریہ ہوں‘ میرا مسئلہ یہ تھا کہ مجھے ہر بات پر غصہ آجاتا تھا جس کی وجہ سے میں تو پریشان تھی ہی میرے گھر والے بھی بہت زیادہ پریشان تھے اور میری پڑھائی کا بھی بہت زیادہ حرج ہورہا تھا۔ میں نے یہ مسئلہ ذہن میں رکھتے ہوئے ماہانہ روحانی محفل شروع کردی۔ ابھی صرف تین ماہ ہی میں نے روحانی محفل کی تھی کہ میرے اندر ایک بہت خوشگوار تبدیلی آئی اورمیرا موڈ ہروقت خوشگوار رہنے لگا جس کی وجہ سے میری صحت بھی بہتر ہوئی اور پڑھائی بھی۔۔۔۔!   ( افشاں‘گوجرانوالہ)