محترم شیخ الوظائف صاحب السلام علیکم!دو سال پہلے میرا عبقری سے تعارف ہوا‘زندگی اس وقت بہت سی مشکلات میں پھنسی ہوئی تھی۔عبقری کے ذریعے اعمال والی زندگی نصیب ہوئی اور رب سے تعلق قائم ہو گیا۔اللہ تعالیٰ نے میری جلد ہی فریاد سن لی اور آپ سے کلینک میں ملاقات ہوئی‘اب تک ٹوکن کے ذریعے آپ سے چار بار ملاقات ہو چکی ہے۔اللہ تعالیٰ نے آپ کی ذات میں ایسی روحانیت‘ خیریں اور برکتیں رکھی ہیں کہ جب بھی میری آپ سے ملاقات ہوئی ‘ہر بار کسی نہ کسی بڑی آزمائش سے نجات ملی ہے۔جب پہلی بار آپ سے ملاقات ہوئی اس وقت تنگدستی کا مسئلہ تھا جو اللہ پاک نے جلد ہی حل کر دیا اور بھائی کے روزگار میں وسعت و برکت نصیب ہوئی۔دوسری بار جب ملاقات ہوئی تو اس وقت میری بہن کی نوکری کے ٹرانسفر کا مسئلہ تھا جو نا ممکن نظر آتا تھا۔اللہ تعالیٰ نے آپ کی دعا کی برکت سے تھوڑے ہی عرصہ میں ایسے غیبی اسباب عطا فرمائے کہ اس کایہ مسئلہ حل ہو گیا۔دوسری بہن کے رشتہ کا مسئلہ تھا‘اس کی شادی نہیں ہو رہی تھی‘ کوئی بھی اچھا رشتہ نہیں مل رہا تھا‘آپ نے دم کیا اور دعا کی ‘اللہ تعالیٰ نے ایسا کرم کیا کہ ہم جیسا رشتہ چاہتے تھے اسے ویسا رشتہ مل گیا اور شادی بھی ہو گئی۔ہمارے گھر والوں کو عبقری تسبیح خانہ اور آپ پر مزید یقین پختہ ہو گیا۔آپ کےساتھ جن نیک بزرگ ہستیوں اور اولیاءکرامؒ کا فیض ہے اس کا ہمیںبھی حصہ ملا‘ہماری محرومیاں‘ پریشانیاںاور مصیبتیں ختم ہونا شروع ہو گئی ہیں۔گھر والے میری شادی کے حوالے سے کافی پریشان تھے کہ کسی اچھی جگہ پر شادی ہو جائے۔جب میری کچھ عرصہ پہلے آپ سے کلینک میں آخری بار ملاقات ہوئی تو آپ نے مجھے دم فرمایا اور دعا دی کہ اللہ کریم بہت جلد ان شاءاللہ خیر و عافیت والا معاملہ فرمائیں گے۔آپ نے روحانی اعمال کو جاری رکھنے اوریقین کے ساتھ اللہ سے مانگنے کی تلقین کی اور بہت سی دعائوں سے نوازا۔آپ کی یہ دعائیں رنگ لے آئیں اور چند ہی ماہ میں ایسی جگہ سے رشتہ آیا جو ہمارے وہم گمان میں بھی نہ تھا۔شادی کے تمام معاملات خیر و عافیت کے ساتھ طے پا گئے اور جلد ہی میری شادی بھی ہو گئی۔میرے شوہر امریکہ میں کام کرتے ہیں۔آپ کی دعائوں کی برکت سے اللہ تعالیٰ نے نیک‘عزت اور قدر کرنے والا شوہر عطا کیا ہے۔
اللہ تعالیٰ کا ہم پر اب خاص کرم ہے‘برکت والی روزی ہے‘تمام نعمتیں مل رہی ہیں‘جتنا اللہ کی ذات کا شکر ادا کیا جائے کم ہے۔میری دعا ہے اللہ تعالیٰ آپ کو سدا کامیاب اور خوش رکھے‘آپ کی نسلوں میں بھی خیریں عطا فرمائے‘آمین