میں اپنے ذاتی تجربہ شدہ چند ٹوٹکے عبقری رسالے کے لاکھوں قارئین کی خدمت میں پیش کر رہا ہوں‘ اس سے پہلے بھی میں اپنے تجربات لکھتا رہتا ہوں تاکہ انسانیت کی خدمت کے ذریعےاپنے اوراپنی نسلوں کے لئے دعائوں کا ذخیرہ اکٹھا کروں۔
یورک ایسڈ سے پریشان افراد کے لئے
اگر جسم میں یورک ایسڈ کی زیادتی ہو جائے تو یہ نسخہ استعمال کریں اور مجھے دعائیں دیں۔ھو الشافی :پھٹکڑی خام(پھول کی ہوئی نہ ہو) 10 گرام ، کباب چینی100 گرام لے کر آپس میں پیس کر محفوظ کر لیں۔اصلی کباب چینی کی نشانی یہ ہےکہ اس کے ساتھ ڈنڈی ہو گی‘ یہ کالی مرچ کی طرح کے بیج ہوتے ہیں۔ اگر اس کے ساتھ ڈنڈی نہ ہو تو ہر گز نہ خریدیں۔ اس نسخہ کا کئی امراض میں فائدہ پایا ہے جیسے ناک اور سانس کی الرجی میں بہت مفید ہے‘ مگر یور ک ایسڈ کے لئے یہ نسخہ بہت اکسیر ہے۔ اس نسخہ سے کئی مریضوں کا یورک ایسڈ بہت کم وقت میں ٹھیک ہو چکا ہے۔
دو قطروں سے سفید موتیا کا علاج
میرے ایک جاننے والے صاحب کی آنکھ میں موتیا ابتدائی مراحل میں تھا‘ میں نے انہیںیہ نسخہ استعمال کروایا۔ چند دن کےاستعمال سے ان کا موتیا ختم ہو گیا۔زیتون کے تیل میں عمدہ کافور25گرام باریک کر کے مکس کر لیں‘ دو قطرے رات سوتے وقت ڈالیں۔ ان کی آنکھ بغیر آپریشن کے ٹھیک ہو گئی۔ اب ان کی آنکھ ایسے چمکتی ہے جیسے چودہویں کا چاند چمکتاہے۔یاد رہے جب کالا موتیا پک چکا ہویاآنکھ کا آپریشن ہوا ہو تو یہ نسخہ استعمال مت کریں۔
دانت درد اورکیڑا لگنے کا آزمودہ حل
میرے دانت میں کیڑا لگا تھا‘ یہ نسخہ استعمال کرنے سے آرام ملا۔لہسن کا چھلکا اتار کر جتنا حصہ کیڑے والے دانت میں آسکتا ہے سو تے وقت اس میں رکھ کر سو جائیں‘ بو ناگوار ہو گی لیکن فائدہ بہت کمال ہے۔ اس کے ساتھ مسوا ک بھی استعمال کر یں ‘ میں نے کیا تو چند دنوں میں میری تکلیف رفع ہو گئی اور آج تک مجھے وہ تکلیف دوبارہ نہیں ہوئی۔