محترم حضرت حکیم صاحب السلام علیکم!موسم سرما میں اکثر نزلہ زکام ہوجاتا ہے جس کی وجہ سے ناک بند ہوجاتا ہے‘ اکثر کان بھی بند ہوجاتے ہیں‘ سر نیچے کو جھکائیں تو سر میں شدید درد ہوتا ہے۔ اس مرض سے نجات کیلئے میرا پاس ایک آزمودہ ٹوٹکہ ہے۔ توا جس پر روٹی بناتے ہیں‘ وہ بہت زیادہ گرم کیجئے‘جب توا خوب گرم ہوجائے تو اس کے اوپر دہی کی لسی تھوڑی تھوڑی کرکے ڈالنا شروع کریں‘ توا شدید گرم ہوگا تو بہت زیادہ بھاپ نکلے گی‘ آپ نے بس اس بھاپ کو توے کے قریب بیٹھ کر ناک کے ذریعے کھینچنا ہے۔ پانچ سے سات منٹ تک یہ بھاپ لیں‘ ان شاء اللہ ایک مرتبہ کرنے سے ہی آپ کا ناک ‘ کان اور دماغ کھل جائے گا۔ زکام کی شکایت ختم ہوجائے گی اور سردرد بالکل ٹھیک ہوجائے گی۔ (مسز عثمانی‘ لاہور)