محترم حضرت حکیم صاحب السلام علیکم! میری عمر اس وقت 65 سال ہے ۔ میں اپنے مجربات سے آگاہ کررہا ہوں۔ الٹی، متلی کیلئے نمک یا چینی پر اوّل آخر ایک ایک مرتبہ درود شریف کے ساتھ سات مرتبہ یَاحَفِیْطُ پڑھ کر دم کرکے مریض کو کھلا دیں انشاء اللہ فوراً آرام آئے گا۔ معدے کے السر اور دیگر بیماری کے لیے ایک صاف اور بڑا کیلا لے لیں‘ زردے کے رنگ اور قلم سے کیلے کے اندر کا چھلکا (جب کیلے کا چھلکا اتاریں تو اندر بھی باریک سا چھلکا)اتار کر 66 مرتبہ یَااللہَ یَا وَاحِدُ لکھ کر اسی وقت مریض کو کھلادیں ان شاء اللہ دس منٹ کے اندر مریض کو سکون آئے گا۔ ایک کیلا ایک دفعہ کھالیں‘ ساری زندگی آرام رہے گا۔ کیلا کھانے کے بعد ایک گھنٹہ تک کھانا پینا منع ہے۔ میرے پاس بے شمار مریض آتے ہیں‘ السر کی وجہ سے روتے آتے ہیں جاتے ہوئے ہنستے ہیں‘ یہ میرے اللہ کا کرم ہے۔ میں فی سبیل اللہ کام کرتا ہوں۔ ٹرانسفر رکوانے کا وظیفہ اگر کسی ملازم کی ٹرانسفر ہورہی ہو اس کو رکوانا مقصود ہو تو عشاء کی نماز کے بعد 19 دن تک 19 مرتبہتَبَّتْ يَدَا أَبِي لَهَبٍ وَتَبَّ سورئہ لہب پوری پڑھ کر دعا کریں۔ ان شاء اللہ 19 دن کے اندر اندر تبادلہ منسوخ ہو جائے گا۔ بچوں کا یا بڑوں کا گم ہو جانا!پتھر کے نیچے دبادیجئے
ابرک یا موٹے کاغذ پر لکھ کر تعویذ پتھر یا سل کے نیچے ایسی جگہ دبا دیں جہاں کوئی الٹ پلٹ نہ کرے۔ تعویذ کے اوپر وزن کم از کم پانچ کلو ہو یا چند اینٹیں رکھ دیں اس طریقہ سے کہ تعویز پر وزن رہے۔ تین دن تک انتظار کریں گمشدہ واپس آئے گا۔ آنے پر تعویذ کو پانی میں بہا دیں اور خیرات کردیں حسب توفیق۔ ان شاء اللہ گمشدہ واپس بخیریت آئے گا۔(امجد خان، راولپنڈی)
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
