ایم ایس سی کی ہے عمر 25سال ہے۔ تین ماہ پہلے ٹائیفائیڈ ہوا اس کے علاج کے سلسلے میں ادویات استعمال کررہا تھا کہ ایک رات اچانک میرا بلڈپریشر بڑھ گیا۔ مجھے نہیں معلوم کہ کیا ہورہا تھا۔ دل اتنی تیزی سے دھڑک رہا تھا کہ لگتا تھا ابھی کچھ ہو جائے گا۔ بڑی مشکل سے ہسپتال پہنچا۔ ادویات وغیرہ کھائیں پھر ٹھیک ہوگیا۔ایک دن چھوڑ کر پھر یہی حال ہوا۔ اب بہت ڈر گیا ہوں۔ ہر وقت یہی سوچتا ہوں کہ کچھ ہو جائے گا۔ سارے ٹیسٹ بھی ٹھیک ہیں۔ یہ خیال بھی آتا ہے کہ بس اب مرجائوںگا۔ کسی کی تدفین میں بھی جاتے ہوئے گھبراہٹ ہوتی ہے۔ (محمد افضل‘ لاہور)
مشورہ:سارے ٹیسٹ ٹھیک آنے کا مطلب ہے کہ اب آپ کو کوئی جسمانی مرض نہیں جس رات بلڈ پریشر بڑھا دل کی دھڑکن تیز ہوئی، اس کے ساتھ شدید گھبراہٹ کی شکایت بھی ہوئی یہ کیفیت ان ادویات کے سائیڈ ایفیکٹ کا نتیجہ بھی ہوسکتی ہے ۔ لہٰذا اپنے ڈاکٹر سے مشورہ کریں تاکہ اگرابھی کوئی دوا لے رہے ہیں تو وہ اس کو تبدیل کریں۔ گھبراہٹ کی دوسری وجہ شدید بخار اور بیماری کا زیادہ وقت تک رہنا بھی ہے۔ اس کیفیت کے بعد معمولات پہلے جیسے نہیں رہتے۔ انسان بہت حساس ہو جاتا ہے۔ بہتری کے لیے طرزِ زندگی اور طرزِ فکر میں مثبت تبدیلیاں لائیں۔ موت کی حقیقت کو تسلیم کرتے ہوئے یہ بھی یقین کریں کہ اس کا وقت مقرر ہے۔
شدید گھبراہٹ سے گزر کر انسان نارمل کیفیت میں آہی جاتا ہے۔