بری عادات‘ نشہ شراب یا کوئی بھی نشہ چھڑانے کیلئے دوعمل قارئین عبقری کی نذر کررہا ہوں۔ ان شاء اللہ فائدہ ضرور ہوگا۔
بری عادات: مثلاً چوری کرنا‘ جوا کھیلنا‘ نشہ کرنا‘ لوگوں کو خواہ مخواہ پریشان کرنا‘ بُری صحبت میں بیٹھنا وغیرہ۔ جب مریض سو جائے تو کوئی صاحب تین فٹ کے فاصلے سے ذرا اونچی آواز میں سورۂ اخلاص ایک مرتبہ اکیس روز تک پڑھے۔
نشہ کی عادت یا بُری صحت چھڑانے کیلئے: نشہ کرنے والا شخص جب رات کو گہری نیند سوجائے اس کے قریب سرہانے کی طرف کھڑے ہوکر سورۂ مائدہ کی آیت یٰۤاَیُّہَا الَّذِیْنَ اٰمَنُوْا اِنَّمَا الْخَمْرُ وَالْمَیْسِرُ وَ الْاَنْصَابُ وَ الْاَزْلٰمُ رِجْسٌ مِّنْ عَمَلِ الشَّیْطٰنِ فَاجْتَنِبُوْہُ لَعَلَّکُمْ تُفْلِحُوْنَ ﴿المائدہ۹۰﴾ایک مرتبہ اتنی اونچی آواز سے پڑھ کر سنائیں کہ سونے والے کی نیند خراب نہ ہو‘ چالیس روز کے اس عمل سے نشہ کی عادت ختم ہوجاتی ہے۔