محترم حضرت حکیم صاحب السلام علیکم! میں اپنا ایک روحانی مشاہدہ قارئین کی نذر کرتا ہوں۔ میری والدہ کا انتقال ہوا تو ان دنوں سخت سردی تھی‘ میرے ماموں جان نے فرمایا کہ بیٹا روزانہ صبح جاکر والدہ کی قبر پر سورۂ یٰسین پڑھ آیا کرو‘ صبح صبح سخت سردی ہوتی تھی اور مجھے ہفتے میں دو بار احتلام ہونا شروع ہوگیا‘ صبح صبح سخت سردی میں نہانا پڑتا تھا‘ جوانی تھی میں ٹھنڈے پانی سے نہا کر جاتاتھا‘ ماموں جان بزرگ تھے ان سے میری تکلیف دیکھی نہ گئی۔ فرمانے لگے: بیٹا رات کو سوتے وقت مسنون دعائیں پڑھ کر کلمہ شریف پڑھ کر سویا کرو۔ جب سے میں نے یہ عمل شروع کیا ہے الحمدللہ! دوبارہ ایسا مسئلہ نہیں ہوا۔ (گ، کراچی)