محترم حضرت حکیم صاحب السلام علیکم!میں پچھلے چار سال سے عبقری رسالہ پڑھ رہا ہوں بہت ہی زبردست رسالہ ہے اس میں دیئے گئے وظائف زندگی بدل دیتے ہیں۔ اس کے علاوہ عبقری دواخانے کی ادویات کا استعمال بھی میرے گھر میں ہوتا رہتا ہے۔ گزشتہ ڈیڑھ ماہ سے گھر میں لڑائی جھگڑا، بیماریوں نے ڈیرے ڈال لیے تھے ہر کوئی دوسرے سے چھوٹی چھوٹی بات پر لڑائی جھگڑا کرنا شروع کردیتا ۔ روزانہ کوئی نہ کوئی کسی بیماری کی ادویات کھاتا نظر آتا۔ میں نے غور کیا کہ ایسا کیوں ہورہا ہے ۔ میں نے بہت توجہ کے ساتھ پورے گھر کا جائزہ لینا شروع کیا نیچے سے تیسری منزل تک چکر لگایا ساتھ میں ایک وظیفہ بھی پڑھتا رہا مجھے ایک عجیب سا خوف محسوس ہوا جیسے گھر پر کسی ہوائی چیز کے اثرات ہیں جو آہستہ آہستہ پورے گھر کو قابو میں کرتے جارہے ہیں۔ میں نے عبقری دواخانے فون کیا تو انہوں نے مجھے پورے گھر میں ’’روحانی دھونی‘‘ دینے کا مشورہ دیا۔ میں نے تقریباً دس دن لگاتار روحانی دھونی گھر میں دی۔ دھونی دیتے وقت سب کہتے کہ بھائی یہ آپ کیا دھواں اڑا رہے ہیں۔خیر میں نے دس دن پوری ڈیوٹی سمجھ کر دھونی دی جس کے بعد گھر میں امن وامان قائم ہونا شروع ہوگیا بیماریاں گھر سے نکل گئی دوبارہ جب میں نے پورے گھر کا چکر لگایا تو خوف محسوس نہیں ہوا میں سمجھ گیا اب اثرات چلے گئے ہیں یہ سب روحانی دھونی کی بدولت ہوا اس کے علاوہ دھونی کا ایک اور فائدہ ہواگھر میں جو مکھی ، مچھر وغیرہ تھے وہ بھی اس کے دھواں سے ختم ہوگئے۔