Ubqari®

عالمی مرکز امن و روحانیت
اگرآپ کو ماہنامہ عبقری اور شیخ الوظائف کے بتائے گئے کسی نقش یا تعویذ سے فائدہ ہوا ہو تو ہمیں اس ای میل contact@ubqari.org پرتفصیل سے ضرور لکھیں ۔آپ کے قلم اٹھانے سے لاکھو ں کروڑوں لوگوں کو نفع ملے گا اور آپ کیلئے بہت بڑا صدقہ جاریہ ہوگا. - مزید معلومات کے لیے یہاں کلک کریں -- تسبیح خانہ لاہور میں ہر ماہ بعد نماز فجر اسم اعظم کا دم اور آٹھ روحانی پیکیج، حلقہ کشف المحجوب، خدمت والو ں کا مذاکرہ، مراقبہ اور شفائیہ دُعا ہوتی ہے۔ روح اور روحانیت میں کمال پانے والے ضرور شامل ہوں۔۔۔۔ -- تسبیح خانہ لاہور میں تبرکات کی زیارت ہر جمعرات ہوگی۔ مغرب سے پہلے مرد اور درس و دعا کے بعد خواتین۔۔۔۔ -- حضرت حکیم صاحب دامت برکاتہم کی درخواست:حضرت حکیم صاحب ان کی نسلوں عبقری اور تمام نظام کی مدد حفاظت کا تصور کر کےحم لاینصرون ہزاروں پڑھیں ،غفلت نہ کریں اور پیغام کو آگے پھیلائیں۔۔۔۔ -- سورۂ اخلاص کی گیارہ جمعراتوں کے عمل کا آغاز 29 ستمبر 2022 ءسے ہوا اور الوداعی دُعا 8 دسمبر 2022ء کو ہوگی، تسبیح خانہ میں لنگر پکا کر لائیں اور خود تقسیم کریں ہمیشہ ہدیہ کی نیت سے لائیں۔ اختتامی دُعا کے موقع پر شیخ الوظائف کی طرف سے ہر آنے والے کو لڈو کا ڈبہ گفٹ کیا جائے گا۔۔۔۔ -- پرچم عبقری صرف تسبیح خانہ تک محدودہے‘ ہر فرد کیلئے نہیں۔ماننے میں خیر اور نہ ماننے میں سخت نقصان اور حد سے زیادہ مشکلات،جس نے تجربہ کرنا ہو وہ بات نہ مانے۔۔۔۔ --

عاشق رسول ؐہو اور سخی نہ ہو! یہ نہیں ہوسکتا!

ماہنامہ عبقری - جولائی 2021ء

ابو عمر مولیٰ اسماء بنت ابی بکر کہتے ہیں: میں ایک مرتبہ مدینہ کی جانب روانہ ہوا۔ میرے پاس عمر بن عبدالعزیزؒ کے لیے کچھ تحائف تھے۔ آپ اس وقت مدینہ کے گورنر تھے۔ جب میں ان کے پاس پہنچا تو میں نے دیکھا کہ عمر بن عبدالعزیزؒ فجر کی نماز سے فارغ ہوئے تو ان کی گود میں قرآن کریم کا نسخہ تھا۔ وہ پورے خشوع و خضوع سے قرآن کریم کی تلاوت کررہے تھے اور ان کے آنسو زاروقطار ان کے گالوں پر بہہ رہے تھے۔
ضرورت مند گھر تلاش کرتے اور پھر صدقہ کرتے:جب آپؒ کوئی چیز صدقہ کرنا چاہتے تو کہتے: اس کے لیے مدینہ میں کوئی ضرورت مند گھرانہ تلاش کیا جائے۔ جب سے عمر بن عبدالعزیزؒ کو خلافت ملی تھی اس وقت سے آپ ہمیشہ سہمے رہتے تھے اور آپ نے دل لگی چھوڑ دی۔ ہنسی مذاق کو رذالت سمجھتے تھے کہ اس سے کینہ پیدا ہوتا ہے۔ اس لیے آپ نے ہنسی مذاق بہت کم کردیا تھا۔ آپ برابر پیر اور جمعرات کا روزہ رکھا کرتے تھے۔ نیز عرفہ اور عاشورہ کا بھی روزہ رکھتے۔ محرم الحرام میں بھی کثرت سے روزے رکھتے تھے۔ وہ روزانہ قرآن کریم خواہ تھوڑا ہی سہی، مگر پڑھا ضرور کرتے تھے۔ اگرچہ آپ کثیر العبادت نہ تھے لیکن عبادت پر ہمیشگی کیا کرتے تھے۔ آپ کی نماز رسول اللہﷺ کی نماز سے بہت مشابہ تھی۔ ابو قلابہ روایت کرتے ہیں کہ مجھ سے دس صحابیوں نے رسول اللہﷺ کی نماز کے رجوع اور سجدے کے بارے میں کہا: آپﷺ جس طرح نماز پڑھتے تھے ویسی ہی نماز عمر بن عبدالعزیزؒ بھی پڑھا کرتے تھے۔

عمر بن عبدالعزیز ؒکے ہاں حضرت علیؓ کے غلام کا اکرام

عمر بن مورق کہتے ہیں: میں شام میں تھا اور حضرت عمر بن عبدالعزیزؒ لوگوں میں مال بانٹ رہے تھے۔ میں بھی بڑھ کر آپ کے سامنے گیا۔ آپؒ نے مجھ سے پوچھا۔ تم کون ہو؟ میں بولا: قریشی ہوں۔ پوچھا: قریش کے کس خاندان سے؟ میں خاموش ہوگیا، پھر آپ نے پوچھا۔بنی ہاشم کے کس خاندان سے ہو؟ میں نے کہا۔ حضرت میں علیؓ کا غلام ہوں۔ پھر آپ نے اپنے سینے پر ہاتھ رکھ کر فرمایا: علیؓ کے غلام! مجھ سے چند حضرات نے کہا انہوں نے رسول اللہﷺ سے سنا۔ آپﷺ فرماتے تھے ’’میں جس کا مولیٰ ہوں علی بھی اس کے مولیٰ ہیں‘‘۔ پھر فرمایا: مزاحم! ان جیسوں کو کتنا دیتے ہو؟ مزاحم نے جواب دیا۔ سو یا دو سو درہم، فرمایا انہیں پچاس دینار دو۔ کیونکہ یہ علیؓ سے محبت کرنے والے ہیں۔ پھر ان سے عمربن عبدالعزیزؒ نے فرمایا: اپنے شہر چلے جائو، تمہارے جیسوں کا وظیفہ تمہیں بھی ملا کرے گا۔

Ubqari Magazine Rated 4.5 / 5 based on 728 reviews.